Суму, патрэбную беларускаму кубінцу для аплаты паслуг адваката, сабралі за некалькі гадзін
Беларусы зноў паказалі цудоўны прыклад салідарнасці і ўзаемадапамогі. Кубінцу з Беларусі Раберта Вальдэсу Касануэва, які апынуўся перад пагрозай дэпартацыі з Літвы, патрэбныя яму 1900 еўра на адваката сабралі за лічаныя гадзіны.
Раберта Вальдэс Касануэва з кіраўніком фонду Bysol Андрэем Стрыжаком. Фота: facebook.com/andrej.strizhak
Кубінец Раберта Вальдэс Касануэва, які 30 гадоў пражыў у Беларусі, а ў 2020 годзе актыўна падтрымаў нашы пратэсты, не змог атрымаць статус уцекача ў Літве. Ні ў Беларусь, ні на Кубу па зразумелых прычынах ён вярнуцца не можа, таму хоча змагацца за свае правы.
Цяпер Раберта будзе падаваць апеляцыю на рашэнне літоўскіх чыноўнікаў, і без паслуг іміграцыйнага адваката яму тут не абысціся. Для іх аплаты акурат і збіраліся грошы. Застаецца спадзявацца, што ўсё будзе не дарма.
Беларус Віталь Тысеў, якому пагражае параліч пасля збіцця сілавікамі, зноў просіць дапамогі
Беларусы за суткі сабралі грошы на лекаванне і рэабілітацыю актывісту з Бярозаўкі
«Я проста сядзеў у камеры і марынаваўся». Кубінец, які 30 год пражыў у Беларусі і падтрымаў пратэсты — пра тое, як яго выслалі з краіны
«Гэта мая мара з дзяцінства». На кастынг «Міс Беларусь» прыйшла дзяўчына, якая працуе ў турме Магілёва24
Каментары
Дай Божа, каб усё атрымалася з міграцыйным кейсам.
Беларусам дзякуй за салідарнасьць!