«Прапаноў адкупіцца не было». Справу сына Лябедзькі хутка перададуць у суд
Пра затрыманне 37-гадовага Арцёма Лябедзькі стала вядома ў канцы сакавіка. Яго змясцілі ў ЦІП на Акрэсціна на 15 сутак. Затым дадалі яшчэ 15 сутак, аднак на волю ён так і не выйшаў.
Арцёма Лябедзьку абвінавачваюць у фінансаванні экстрэмісцкай дзейнасці паводле арт. 361-2 Крымінальнага кодэкса, што караецца да васьмі гадоў зняволення.
— Следства па справе сына ўжо завершанае, і ў хуткім часе яе перавядуць у суд, — расказаў «Народнай Волі» Анатоль Лябедзька. — Для мяне абсалютна відавочна, што гэта справа палітычная. Наколькі вядома, большасці тых, каго абвінавачвалі ў фінансаванні экстрэмісцкай дзейнасці, давалі магчымасць выплаціць штрафную кампенсацыю. Гэтыя штрафы таксама алагічныя, але людзям прапаноўвалі: калі ты рабіў данат у 50 даляраў, то зараз заплаці, скажам, у 20 разоў больш. І на гэтым пераслед спыняўся.
— Вашаму сыну такія прапановы не паступалі?
— Не, і гэта яшчэ раз падкрэслівае палітычны падтэкст справы. Я наогул не бачу ніякага злачынства ў тым, што Арцём пералічваў грошы, каб дапамагчы іншым.
Але я разумею, чаму па гэтым артыкуле прадугледжваецца даволі строгае пакаранне. Улады хочуць зруйнаваць усялякую міласэрнасць і салідарнасць беларусаў. Па вышэйзгаданым артыкуле даюць пры жаданні нават большыя тэрміны, чым лідарам некаторых апазіцыйных партый ці тым, хто прымаў актыўны ўдзел у вулічных акцыях.
«Хацеў жыць на роднай зямлі». Сына Анатоля Лябедзькі ўжо больш за два месяцы ўтрымліваюць у турме
«Калі мы аказаліся ў акопах па розныя бакі, то ўсё адно мусяць быць правілы». Лябедзька пра тое, чаму ўлады шантажуюць яго затрыманнем сына
«Найвышэйшы пілатаж бесчалавечнасці і мярзотнасці». Супраць сына палітыка Анатоля Лябедзькі распачалі крымінальную справу
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары