Улады Хірасімы не запросяць прадстаўнікоў Беларусі і Расіі на жалобныя мерапрыемствы
Улады японскага горада Хірасіма другі год запар з-за сітуацыі вакол Украіны не стануць запрашаць прадстаўнікоў Расіі і Беларусі на цырымонію памяці ахвяр амерыканскай атамнай бамбардзіроўкі, ажыццёўленай 6 жніўня 1945 года. Пра гэта заявіў у аўторак падчас анлайн-брыфінгу мэр горада Казумі Мацуі, піша ТАСС.
«Так як агрэсія супраць Украіны працягваецца, мы, як і ў мінулым годзе, вырашылі не запрашаць на цырымонію прадстаўнікоў абедзвюх дзяржаў, — падкрэсліў мэр. — Разам з тым мы выступаем за прасоўванне візітаў у наш горад кіраўнікоў усіх краін, таму паведамілі пасольствам [Расіі і Беларусі], што вельмі спадзяёмся на прыезд [лідараў] у Хірасіму ў хуткай будучыні, дзе яны маглі б непасрэдна азнаёміцца з гісторыяй атамнай бамбардзіроўкі».
22 мая ўлады горада Нагасакі таксама абвясцілі пра рашэнне не запрашаць кіраўнікоў дыпламатычных прадстаўніцтваў Расіі і Беларусі ў Японіі на цырымонію памяці ахвяр бамбардзіроўкі.
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26
Каментары