Украінская фехтавальшчыца не паціснула рукі расіянцы на ЧС. Гэта, найхутчэй, чакае і беларусаў — рэч ва ўкраінскім законе
Украінская фехтавальшчыца Вольга Харлан не без прыгод стартавала на чэмпіянаце свету па фехтаванні ў Мілане. На старце ўкраінка атрымала перамогу над расіянкай Ганнай Смірновай, якая выступае пад нейтральным сцягам — 15:7.
Самае цікавае адбылося пасля завяршэння паядынку. Расіянка падышла да Харлан з працягнутай рукой, але Вольга выставіла шаблю наперад і нешта сказала сваёй апанентцы, піша ўкраінская «Трыбуна».
Паводле правілаў FIE, «адмова фехтавальшчыка прывітаць суперніка, рэферы і гледачоў да пачатку паядынку або пасля апошняга ўдару караецца чорнай карткай (дыскваліфікацыяй)». Але няма дакладнага апісання, ці маецца на ўвазе менавіта поціск рукі.
Смірнова падала пратэст супраць Харлан праз «адсутнасць праявы павагі» і больш за 50 хвілін знаходзілася на дарожцы пасля матча.
Суддзі чэмпіянату першапачаткова пакінулі ў сіле перамогу ўкраінкі, але пасля Міжнародная федэрацыя фехтавання дыскваліфікавала Харлан.
На гэтым ЧС разыгрываюцца балы ў сусветным рэйтынгу, які будзе вызначаць пуцёўкі на Алімпіяду-2024.
Пасля гэтага з'явілася заява ад Нацыянальнай федэрацыі фехтавання Украіны:
«У мэтах выканання загада Міністэрства моладзі і спорту ад 26.07.2023 №4435 прэзідыумам федэрацыі фехтавання Украіны было прынята рашэнне забараніць спартсменам, трэнерам, суддзям удзельнічаць у спаборніцтвах, дзе будуць удзельнічаць пад сваімі сцягамі расійскія і беларускія спартсмены. Што ж тычыцца ўдзелу ў спаборніцтвах, дзе будуць удзельнічаць так званыя нейтральныя спартоўцы, то пастанова аб магчымасці ўдзелу ў такіх спаборніцтвах будзе заставацца за ўкраінскімі спартоўцамі, трэнерамі, суддзямі.
Пры гэтым асобна падкрэсліваецца недапушчальнасць любых дзеянняў, якія могуць успрымацца як праява салідарнасці з такімі так званымі нейтральнымі спартоўцамі».
***
Учора Ігар Рэйзлін зняўся з бою супраць расіяніна Анохіна. Украінец падаў медыцынскую даведку, каб не ўдзельнічаць у спаборніцтве.
Увечары 27 ліпеня Міністэрства моладзі і спорту апублікавала абноўлены загад, згодна з якім украінцы могуць спаборнічаць на турнірах, да якіх расіяне і беларусы дапушчаныя пад нейтральным сцягам.
Цяпер чытаюць
Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы9
Каментары