Каму марожанае, а каму і халодны душ. Як насельнікаў Гродзенскага заапарка ратуюць ад спёкі
Водныя працэдуры ўключылі ў праграму дня нават для тых, хто да вады звычайна абыякавы.
Гарачае надвор'е на гэтым тыдні выпрабоўвае гараджан на трываласць. Хтосьці хаваецца ад яго ў цені, хтосьці спяшаецца за горад да возера і ракі, іншыя імкнуцца не адыходзіць далёка ад кандыцыянера. Але што рабіць жывёлам у заапарку, задаўся пытаннем newgrodno.by.
Яны таксама імкнуцца бавіць час у цені. А некаторыя з іх з задавальненнем прымаюць душ. Водныя працэдуры ў гарачыя дні арганізаваны ледзь не для ўсіх насельнікаў.
Нават жырафа, здаецца, з задавальненнем лашчыцца пад імправізаваным дажджом са шланга. А вось зубр проста чакае, калі яму прыб'юць пыл і да душа ставіцца насцярожана.
А яшчэ летам звычайна гадаванцаў у заапарку пераводзяць на больш сакавіты рацыён. Напрыклад, капытным прапануюць больш зеляніны, садавіны і агародніны.
А вось малпаў, напрыклад, частуюць нават спецыяльным марозівам, якое чымсьці нагадвае фруктовы лёд.
А ў некаторых з насельнікаў ёсць нават басейны. Напрыклад, медзведзянятам Лёшы і Машы нядаўна замест ўпадабанага ім тазіка ў вальеры паставілі цэлую ванну. Вы проста паглядзіце, як яны любяць ваду!
Цяпер чытаюць
Лукашэнка: Размова з Макронам доўжылася 1 гадзіну 40 хвілін. Пройдуць перамовы з прадстаўніком Францыі1
Каментары