Kamu marožanaje, a kamu i chałodny duš. Jak nasielnikaŭ Hrodzienskaha zaaparka ratujuć ad śpioki
Vodnyja pracedury ŭklučyli ŭ prahramu dnia navat dla tych, chto da vady zvyčajna abyjakavy.
Haračaje nadvorje na hetym tydni vypraboŭvaje haradžan na tryvałaść. Chtości chavajecca ad jaho ŭ cieni, chtości śpiašajecca za horad da voziera i raki, inšyja imknucca nie adychodzić daloka ad kandycyjaniera. Ale što rabić žyviołam u zaaparku, zadaŭsia pytańniem newgrodno.by.
Jany taksama imknucca bavić čas u cieni. A niekatoryja ź ich z zadavalnieńniem prymajuć duš. Vodnyja pracedury ŭ haračyja dni arhanizavany ledź nie dla ŭsich nasielnikaŭ.
Navat žyrafa, zdajecca, z zadavalnieńniem łaščycca pad impravizavanym daždžom sa šłanha. A voś zubr prosta čakaje, kali jamu prybjuć pył i da duša stavicca naściarožana.
A jašče letam zvyčajna hadavancaŭ u zaaparku pieravodziać na bolš sakavity racyjon. Naprykład, kapytnym prapanujuć bolš zielaniny, sadaviny i aharodniny.
A voś małpaŭ, naprykład, častujuć navat śpiecyjalnym marozivam, jakoje čymści nahadvaje fruktovy lod.
A ŭ niekatorych z nasielnikaŭ jość navat basiejny. Naprykład, miedźviedzianiatam Lošy i Mašy niadaŭna zamiest ŭpadabanaha im tazika ŭ valjery pastavili cełuju vannu. Vy prosta pahladzicie, jak jany lubiać vadu!
Ciapier čytajuć
Rabotnicy «Minsk-Areny» dali kałoniju za «sadziejničańnie ekstremizmu»1
Rabotnicy «Minsk-Areny» dali kałoniju za «sadziejničańnie ekstremizmu»
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary