Непагадзь пакінула без электрычнасці больш за 1100 населеных пунктаў
Найбольш пацярпелі рэгіёны Мінскай, Гродзенскай і Віцебскай абласцей. Асноўныя прычыны адключэнняў — перанапружанне, павышаная ветравая нагрузка, падзенне галля і дрэў, пашкоджанне апор і абрывы правадоў ліній электраперадач.
У шэрагу рэгіёнаў на змену спёцы прыйшлі моцныя дажджы, якія суправаджаліся магутнымі парывамі ветру да 20—27 м/с. У выніку неспрыяльных умоў надвор'я 30 жніўня была зафіксавана значная колькасць адключэнняў у асноўнай і размеркавальнай сетках энергасістэмы. Асноўная сетка энергасістэмы адпрацавала ўстойліва, паведамляе ў сваім тэлеграм-канале Белэнерга.
Найбольш пацярпелі рэгіёны Мінскай, Гродзенскай і Віцебскай абласцей. Асноўныя прычыны адключэнняў — перанапружанне, павышаная ветравая нагрузка, падзенне галля і дрэў, пашкоджанне апор і абрывы правадоў ліній электраперадач.
Работы па аднаўленні працягваліся да глыбокай ночы і працягваюцца цяпер. Былі арганізаваны аператыўныя пераключэнні, аварыйныя абыходы ліній, прыцягнута спецыяльная тэхніка.
У электрасеткавых філіялах на працоўныя месцы быў выкліканы дадаткова аператыўны і рамонтны персанал. Усяго для аднаўлення электразабеспячэння спажыўцоў задзейнічана 650 чалавек у складзе брыгад і 269 адзінак тэхнікі.
У цэлым па краіне на шэсць гадзін раніцы адноўлена электразабеспячэнне ў 909 населеных пунктах.
Працы па ліквідацыі наступстваў стыхіі вядуцца ў 223 населеных пунктах, аднаўляецца электразабеспячэнне пяці фермаў, задзейнічаны перасоўныя дызельныя генератары, паведамляе Белэнерга.
Цяпер чытаюць
Каментары