Сілавікі паказалі пяць затрыманых. Некаторых забралі проста з працы.
Сярод затрыманых — 52-гадовы Сяргей Боўфал, якога раней затрымлівалі нібыта за абразу міліцыянтаў з магілёўскага раёна, у красавіку 2023-га. Тады відэа з ім выкладаў канал, які вядуць супрацоўнікі МУС.
Таксама затрымана 48-гадовая Святлана Шупенік з Ваўкавыска. І два мужчыны: адзін з Ваўкавыска, а іншы з Краснасельскага, аграгарадка ў 12 кіламетрах ад райцэнтра. Паказаны таксама кадры затрымання яшчэ аднаго мужчыны.
Усіх іх абвінавачваюць у «распаўсюдзе экстрэмісцкіх матэрыялаў». Звычайна гэта значыць, што чалавек рабіў рэпосты з канала нейкага незалежнага медыя або ініцыятывы. А Святлану Шупенік вінавацяць таксама ва ўдзеле ў пратэстах у 2020 годзе. Затрымліваюць людзей вельмі брутальна, у стылі ГУБАЗіКа — накідваюцца натоўпам, кладуць тварам у зямлю і валакуць у машыны. Да некаторых, мяркуючы з рабочага адзення затрыманых, прыйшлі проста на працу.
Губазікаўцы сцвярджаюць, што супраць аднаго з затрыманых заведзеная крымінальная справа і яго адправілі ў СІЗА.
Праваабаронцы звязваюць актыўнасць сілавікоў у Ваўкавыску з інцыдэнтам, які адбыўся днямі ў горадзе. Па інфармацыі «Вясны», на адным з выклікаў (бытавая сітуацыя, не звязаная з палітычным пераследам) быў збіты супрацоўнік міліцыі. Пасля гэтага ў горад адправілі сілавікоў з Мінска і Гродна, якія і пачалі «зачыстку».
«Наша Нiва» — бастыён беларушчыны
ПАДТРЫМАЦЬ
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа31
Каментары