«Яно павінна знікнуць у нашай краіне назаўжды». Святлана Ціханоўская выказалася наконт смяротнага пакарання
10 кастрычніка ва ўсім свеце адзначаецца Дзень супраць смяротнага пакарання. Беларуская лідарка выказалася пра тое, ці павінна захоўвацца такое пакаранне ў новай Беларусі.
«Беларусь — адзіная краіна Еўропы, дзе смяротнае пакаранне ўжываецца ў якасці выключнай меры пакарання. З кожным годам Лукашэнка толькі павялічвае колькасць артыкулаў Крымінальнага кодэкса, за якія можа прызначацца смяротнае пакаранне. Ён лічыць, што мае права чыніць лёсы людзей, прыкрываючыся тым, што наяўнасць смяротнага пакарання нібыта стрымлівае злачыннасць.
Чалавечае жыццё і права на яго — самая вялікая каштоўнасць, якая павінна паважацца ў кожнай дзяржаве. Цывілізаваны свет даўно гэта прызнаў і зафіксаваў у сваіх законах. І дэмакратычная Беларусь павінна браць з яго прыклад.
Я катэгарычна асуджаю прымяненне смяротнага пакарання і лічу, што яно павінна быць адмененае. Мы хочам бачыць Беларусь еўрапейскай краінай, дзе правы чалавека паважаюцца, а правасуддзе вяршыцца па прынцыпах справядлівасці і гуманнасці.
Таму пасля дэмакратычнага транзіту ўлады такое пакаранне ў нашай краіне павінна знікнуць назаўжды», — зазначыла Святлана Ціханоўская.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары