Дарадца-пасланнік Шпакоўскі заявіў пра зацікаўленасць Беларусі партамі Крыма
Беларусь зацікаўлена ў развіцці супрацоўніцтва з Крымам у сферах прамысловасці, лагістыкі, а таксама турызму. Пра гэта заявіў ТАСС дарадца-пасланнік пасольства Беларусі ў РФ Аляксандр Шпакоўскі падчас Ялцінскага міжнароднага форуму, што праходзіць у Маскве.
«[Нас цікавіць] стварэнне сумесных вытворчасцяў і лагістыка, курортны патэнцыял Крыма. <…> Беларусы ніколі не забывалі пра курорты Крыма. Нават цяпер, нягледзячы на напружаную ваенную абстаноўку ў раёне паўвострава, усё роўна людзі наведваюць Крым, людзі купляюць нерухомасць у Крыме», — сказаў ён.
Шпакоўскі адзначыў, што Мінск разглядае Крым як «перспектыўны рэгіён для ўзаемадзеяння».
У сваім дакладзе ў рамках моладзевай сесіі «будучыня ў нашых руках» дыпламат указаў, што Беларусь «істотна інтэнсіфікавала» кантакты з паўвостравам. «Мы вяртаемся да паўнавартаснага супрацоўніцтва», — указаў ён.
«З Крымам мы будзем працаваць гэтак жа як і з іншымі рэгіёнамі Расіі», — падкрэсліў Шпакоўскі, дадаўшы, што з расійскімі рэгіёнамі падтрымліваюцца вельмі цесныя кантакты, а пасол Беларусі Дзмітрый Круты з пачатку 2023 года сустракаўся з кіраўнікамі рэгіёнаў РФ блізу 60 разоў.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары