Вайна

Зяленскі: Спробы наступу расійскіх войскаў пад Вуглядарам паспяхова адбітыя

Вуглядар — бастыён, размешчаны ў стратэгічна важным пункце на скрыжаванні паўднёвай і ўсходняй ліній украінскага фронту.

Украінскія вайскоўцы едуць на бронетранспарцёры да перадавых пазіцый паблізу Вуглядара. Фота: Lib's / AP

Украінскія войскі адбілі спробы наступу расіянаў пад Вуглядарам у Данецкай вобласці і працягваюць трымаць абарону Аўдзееўкі, а таксама праводзіць наступальныя дзеянні на поўдні Украіны, заявіў у чацвер Уладзімір Зяленскі, піша Бі-бі-сі.

Вуглядар — бастыён, размешчаны ў стратэгічна важным пункце на скрыжаванні паўднёвай і ўсходняй ліній украінскага фронту. Цягам доўгіх месяцаў за кантроль над горадам неаднаразова разгортваліся жорсткія бітвы.

«Была спроба праціўніка наступаць на Вуглядарскім кірунку, але нашы воіны спынілі яе, нанёсшы ворагу цяжкія страты: дзясяткі адзінак тэхнікі, шмат забітых і параненых», — паведаміў Зяленскі па выніках селектарнай нарады з кіраўнікамі Узброеных сіл і Міністэрства абароны.

Прадстаўнік расійскага Мінабароны заявіў у чацвер, што падраздзяленнямі групоўкі войскаў «Усход» ва ўзаемадзеянні з армейскай авіяцыяй і артылерыяй на паўднёва-данецкім напрамку «было нанесена агнявое паражэнне жывой сіле і тэхніцы ВСУ ў раёнах населеных пунктаў Вуглядар, Ураджайнае і Старамаёрскае».

Украінскія вайскоўцы паведамляюць, што ў апошнія тыдні адбылася прыкметная эскалацыя баявых дзеянняў уздоўж лініі судакранання на ўсходзе краіны. Паводле звестак УСУ, Расія спрабуе перагрупавацца і аднавіць сілы пасля буйных страт, панесеных у раёне Аўдзееўкі, перш чым аднавіць атакі.

«Вораг пры падтрымцы авіяцыі не пакідае спробаў акружыць Аўдзееўку, але нашы воіны стойка трымаюць абарону, наносячы акупантам значныя страты», — гаварылася ў сённяшняй ранішняй зводцы Генштаба УСУ. Украінскае камандаванне запэўнівае, што прынамсі на паўднёвым флангу паўкола вакол Аўдзееўкі — у раёне вёсак Першамайскае і Паўночнае — усе атакі расіянаў у апошнія суткі былі адбітыя.

Уладзімір Зяленскі не стаў паведамляць падрабязнасці аперацый на гэтым кірунку, лаканічна паведаміўшы, што «працягваюцца абарончыя дзеянні ў Аўдзееўцы і нашы наступальныя аперацыі на поўдні».

Каментары

Цяпер чытаюць

Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы15

Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы

Усе навіны →
Усе навіны

У Мінску з’явяцца новыя праязныя на грамадскі транспарт. У чым іх асаблівасць?1

Бензін з суботы зноў даражэе на дзве капейкі3

Стартавала анлайн-апытанне беларусаў наконт эканомікі і жыцця, анансаванае прэм'ерам Турчыным14

Лябедзька: Цуду не будзе — Мельнікава ў руках беларускага рэжыму47

У Рэчыцкім раёне затрымалі серыйнага падпальшчыка лецішчаў

«Я назіраў за гэтым усё жыццё». Сын Трампа падзяліўся меркаваннем пра новыя гандлёвыя пошліны3

Ад заўтра рэзка пахаладае. Днём не больш за +6°С5

Праезд падаражэе таксама ў Гродне і Брэсце1

Амаль палова шматдзетных мінчукоў-чаргавікоў адмовіліся ад жылля. Чаму?10

больш чытаных навін
больш лайканых навін

Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы15

Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы

Галоўнае
Усе навіны →

Заўвага:

 

 

 

 

Закрыць Паведаміць