Мужа палітзняволенай Віталіі Бандарэнкі затрымалі адразу пасля спаткання з жонкай
Яму інкрымінуюць садзейнічанне экстрэмісцкай дзейнасці.
Анатоль Старасвецкі быў затрыманы ў верасні адразу пасля спаткання з Віталіяй. Яго арыштавалі на выхадзе з жаночай калоніі і змясцілі ў ІЧУ. Зараз ён знаходзіцца ў СІЗА, яму інкрымінуюць арт. 361-4 КК (Садзейнічанне экстрэмісцкай дзейнасці), піша dissidentby.
У сваіх лістах хлопец вельмі хвалюецца за дзяўчыну. Вядома, што ў Анатоля няма блізкіх сваякоў, якія яго могуць падтрымаць.
Віталія — адзіная дзяўчына, якую адправілі ў калонію за ўдзел у брэсцкіх «масавых беспарадках». Яна была затрыманая 1 сакавіка 2021 года пасля вяртання з-за мяжы і пазней асуджаная да 4 гадоў калоніі. За кратамі яна выйшла замуж за Анатоля.
Падтрымайце Віталію і Анатоля:
- ПК № 4. 246035, Гомель, Антошкіна, 3, Віталія Анатольеўна Бандарэнка | СІЗА-3.
- 246003, Гомель, Кніжная 1А, Старасвецкі Анатоль Анатольевіч
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары
Быў бы як кажуць чалавек. Мы, я не здымаю адказнасьці зь сябе гэтым: "абы ня было вайны" давялі да такога стану.