Свет

КНДР вывела на арбіту свой першы разведвальны спадарожнік

Паўночная Карэя вывела на арбіту свой першы разведвальны спадарожнік, паведамляе Цэнтральнае тэлеграфнае агенцтва Карэі (ЦТАК). Эксперты лічаць, што ў гэтым ёй дапамагла Расія ў абмен на зброю.

КНДР вывела на арбіту свой першы разведвальны спадарожнік. Усе фота: kcna.kp

Ракету-носьбіт запусцілі 21 лістапада ў 22:42 па мясцовым часе з касмадрома Сохэ. За запускам асабіста назіраў лідар КНДР Кім Чэн Ын.

На наступны дзень, паводле агенцтва, Кім Чэн Ын азнаёміўся са спадарожнікавымі здымкамі вайсковых баз ЗША. Паўнавартасную жа працу, як паведамляе крыніца, спадарожнік пачне толькі з 1 снежня, бо на яго настройку патрэбна 7-10 дзён.

ЗША назвалі гэты запуск «нахабным парушэннем шматлікіх рэзалюцый Рады бяспекі ААН», які «павышае напружанасць і рызыкуе дэстабілізаваць сітуацыю з бяспекай у рэгіёне і за яго межамі».

Эксперты мяркуюць, што КНДР удалося гэта дзякуючы дапамозе Расіі. Раней Паўночная Карэя мела дзве няўдалыя спробы запуску — у маі і жніўні. Улічваючы, што паміж другой і трэцяй спробай прайшло ўсяго каля трох месяцаў, эксперты мяркуюць, што КНДР скарысталася «тэхналагічнымі ноу-хау расійскіх інжынераў».

Кім Чэн Ын жа, паводле агенцтва ЦТАК, заявіў, што КНДР «уласнымі сіламі правяла працу па стварэнні здольнасці да аэракасмічнай выведкі».

Расія і Паўночная Карэя ў апошні час заўважна зблізіліся. У ліпені ў КНДР прыязджаў міністр абароны Расіі Сяргей Шайгу. У верасні Расію наведаў лідар Паўночнай Карэі Кім Чэн Ын. У кастрычніку ў КНДР прыехаў міністр замежных спраў Расіі Сяргей Лаўроў.

Міжнародныя агенцтвы паведамляюць, што КНДР дапамагае Расіі з узбраеннем. Паводле Bloomberg, са жніўня КНДР адправіла ў Расію больш за мільён артылерыйскіх снарадаў у абмен на дапамогу Масквы ў запуску разведвальнага спадарожніка. Associated Press пісала, што Паўночная Карэя магла перадаць Расіі балістычныя ракеты.

Каментары

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць