Палата прадстаўнікоў у другім чытанні прыняла змены ў закон «Аб дарожным руху». У законапраекце прадугледжаныя новыя правілы здачы практычнага экзамену на пасведчанне кіроўцы.
З дакумента вынікае, што неўзабаве здаваць экзамены ў Беларусі будучы кіроўца, які навучаўся на аўтамабілі з механічнай КПП, зможа як на «механіцы», так і на «аўтамаце». На гэты момант экзамен можна здаваць на аўтамабілі толькі з той трансмісіяй, на якой чалавек навучаўся.
Цяпер жа спецыялісты прыйшлі да высновы, што практычныя навыкі, атрыманыя будучым кіроўцам у ходзе навучання кіравання аўтамабілямі з механічнай трансмісіяй, павінны быць дастатковымі і для кіравання аўто з аўтаматычнай каробкай перадач.
У верасні 2022 года будучыя беларускія кіроўцы атрымалі магчымасць навучацца ў аўташколах і здаваць экзамен у ДАІ на машынах з аўтаматычнай каробкай перадач. Раней была магчымасць вучыцца толькі на аўто з «механікай».
Іна Кулей: Мілінкевіч перамог смерць, але шлях да поўнага адужання няблізкі4
Каментары