«Кнігі-медытацыі сталі феноменам года ў Беларусі». Падвялі вынікі чытацкіх упадабанняў года
Кніжны рытэйлер Oz.by склаў рэйтынг кніг, найбольш папулярных у беларусаў у 2023 годзе. Яго ўзначалілі творы дзвюх беларускіх аўтарак.
Першае месца ў рэйтынгу самых папулярных выданняў заняла кніга-медытацыя Вольгі Прымачэнка «Да сябе пяшчотна».
Пісьменніца жыве пад Мінскам і вучыць чытачоў любіць сябе. А яшчэ прымаць свае пачуцці, расстаўляць прыярытэты і ўкараняць у жыццё практыку пяшчоты да сябе.
На другім месцы — «Кніга надзеі. Раніца надыходзіць заўсёды». Яе напісала блогерка Надзея Мялешка, жонка вядомага беларускага хакеіста Дзмітрыя Мялешкі.
Яна некалькі гадоў змагалася з ракам малочнай залозы, за час хваробы пераасэнсавала многія каштоўнасці і погляды на жыццё і падзялілася гэтым вопытам з чытачамі. Надзея памерла ў сакавіку гэтага года, і сярод іншага гэта таксама паўплывала на папулярнасць яе твора.
«Кнігі-медытацыі сталі феноменам года ў Беларусі і шмат у чым матывуюць людзей да чытання. Што цікава, і сярод мастацкай літаратуры папулярныя творы, якія вывучаюць, перш за ўсё, тонкасці псіхалогіі. Беларусы шукаюць у кнігах адказы на ўнутраныя пытанні», — расказалі ў сетцы OZ.
На іншых месцах у топ-5 — творы замежных аўтараў. Гэта раман «Таямнічы сад» брытанскай пісьменніцы Фрэнсіс Бернет, дэтэктыўны раман «Дзесяць негрыцят» іншай славутай брытанкі Агаты Крысці і бестсэлер «Дзіця ў табе павінна здабыць дом» нямецкага псіхатэрапеўта Стэфані Шталь.
Сярод беларускіх класікаў, як і заўсёды, папулярны Уладзімір Караткевіч. Перш за ўсё, запатрабаваныя ягоныя «Каласы пад сярпом тваім», «Дзікае паляванне караля Стаха» і «Чорны замак Альшанскі».
Сярод дзіцячай літаратуры фаварытам застаецца «Маленькі прынц» Антуана дэ Сэнт-Экзюперы, а на другое месца вырваўся «Чабурашка. Афіцыйная навэлізацыя», усплёск цікавасці да якога забяспечыла паспяховая экранізацыя.
З фэнтэзі беларусы цяпер чытаюць «Чацвёртае крыло» амерыканскай пісьменніцы Рэбекі Ярос пра цмокаў і «Ведзьмара« Анджэя Сапкоўскага.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё6
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары