«Knihi-miedytacyi stali fienomienam hoda ŭ Biełarusi». Padviali vyniki čytackich upadabańniaŭ hoda
Knižny rytejler Oz.by skłaŭ rejtynh knih, najbolš papularnych u biełarusaŭ u 2023 hodzie. Jaho ŭznačalili tvory dźviuch biełaruskich aŭtarak.
Pieršaje miesca ŭ rejtynhu samych papularnych vydańniaŭ zaniała kniha-miedytacyja Volhi Prymačenka «Da siabie piaščotna».
Piśmieńnica žyvie pad Minskam i vučyć čytačoŭ lubić siabie. A jašče prymać svaje pačućci, rasstaŭlać pryjarytety i ŭkaraniać u žyćcio praktyku piaščoty da siabie.
Na druhim miescy — «Kniha nadziei. Ranica nadychodzić zaŭsiody». Jaje napisała błohierka Nadzieja Mialeška, žonka viadomaha biełaruskaha chakieista Dźmitryja Mialeški.
Jana niekalki hadoŭ zmahałasia z rakam małočnaj załozy, za čas chvaroby pieraasensavała mnohija kaštoŭnaści i pohlady na žyćcio i padzialiłasia hetym vopytam z čytačami. Nadzieja pamierła ŭ sakaviku hetaha hoda, i siarod inšaha heta taksama paŭpłyvała na papularnaść jaje tvora.
«Knihi-miedytacyi stali fienomienam hoda ŭ Biełarusi i šmat u čym matyvujuć ludziej da čytańnia. Što cikava, i siarod mastackaj litaratury papularnyja tvory, jakija vyvučajuć, pierš za ŭsio, tonkaści psichałohii. Biełarusy šukajuć u knihach adkazy na ŭnutranyja pytańni», — raskazali ŭ sietcy OZ.
Na inšych miescach u top-5 — tvory zamiežnych aŭtaraŭ. Heta raman «Tajamničy sad» brytanskaj piśmieńnicy Frensis Bierniet, detektyŭny raman «Dziesiać niehryciat» inšaj słavutaj brytanki Ahaty Kryści i biestseler «Dzicia ŭ tabie pavinna zdabyć dom» niamieckaha psichaterapieŭta Stefani Štal.
Siarod biełaruskich kłasikaŭ, jak i zaŭsiody, papularny Uładzimir Karatkievič. Pierš za ŭsio, zapatrabavanyja jahonyja «Kałasy pad siarpom tvaim», «Dzikaje palavańnie karala Stacha» i «Čorny zamak Alšanski».
Siarod dziciačaj litaratury favarytam zastajecca «Maleńki prync» Antuana de Sent-Ekziupiery, a na druhoje miesca vyrvaŭsia «Čaburaška. Aficyjnaja navelizacyja», usplosk cikavaści da jakoha zabiaśpiečyła paśpiachovaja ekranizacyja.
Z fentezi biełarusy ciapier čytajuć «Čaćviortaje kryło» amierykanskaj piśmieńnicy Rebieki Jaros pra cmokaŭ i «Viedźmara« Andžeja Sapkoŭskaha.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?28
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary