Навагоднія вакацыі — выдатная нагода адпачыць ад паўсядзённай руціны і клопатаў. Але многія з нас не могуць сядзець без справы і прымаюцца прыбіраць гараж, перастаўляць мэблю ці запаўняць дакументы.
Прафесар нейрапсіхалогіі Лутц Енке з Цюрыхскага ўніверсітэта лічыць гэта следствам працяглай нагрузкі на мозг, піша Bild.
«Вялізныя аб'ёмы даных бамбуюць наш мозг кожную секунду, — тлумачыць навуковец. — Праблема ў тым, што мы адцягваемся на мноства раздражняльнікаў і не можам засяродзіцца на тым, што важна. <…> Мозг практычна ніколі не адпачывае, ён увесь час працуе. Вось чаму нам часам патрэбныя сітуацыі, калі колькасць раздражняльнікаў значна зніжаецца».
Прафесар Енке лічыць, што мозгу неабходны цішыня і спакой у святы. Інакш з-за сталай разумовай актыўнасці могуць узнікнуць цяжкасці з канцэнтрацыяй увагі, стома, бяссонніца і неспакой.
З ім згодны нямецкі фізік і пісьменнік Ульрых Шнабель. Паводле яго слоў, у сучасным свеце пастаянна даступны разнастайныя забаўкі, камунікацыя і навіны. Таму нават некалькі дзён спакою і гультайства ўспрымаюцца як нешта незвычайнае і няправільнае.
«Заўсёды павінна нешта адбывацца. Мы развучыліся цярпець, каб нічога не адбывалася, — кажа Шнабель. — Лічбавыя медыя робяць сітуацыю яшчэ горшай. […] Мы ўвесь час атрымліваем невялікія дозы эйфарыі па электроннай пошце, з паведамленняў у твітары або лайкаў у фэйсбуку. Гэта ўсё маленькія ўзнагароды для мозга. […] Негатыўныя наступствы бачныя ўсюды: у выгаранні або росце псіхічных захворванняў».
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары