Колькасць крамаў «Буслік» у Беларусі працягвае скарачацца. Увосень кампанія паведамляла, што ў сеткі больш за 40 крам, а ў студзені 2024-га іх засталося ўсяго 14.
Як высветліў Office Life, на канец першай дэкады студзеня ў сетцы дзіцячых крам працавала 14 крамаў. У кантакт-цэнтры кампаніі паведамілі, што восем з іх знаходзяцца ў Мінску.
Крамы «Буслік» ёсць ужо не ва ўсіх абласных цэнтрах — у Брэсце, напрыклад, сетка больш не працуе. У гэтай вобласці засталася толькі адна крама ў Пінску. Па адным гандлёвым пункце яшчэ адкрыты ў Магілёве, Гомелі і Гродне, два — у Віцебску.
У 2023 годзе ў сеткі «Буслік» у Беларусі пачаліся праблемы. Яе выручка падала на працягу ўсяго года. У I квартале аператар сеткі — кампанія «ДПМ» — знізіў выручку да аналагічнага перыяду 2022-га на 13,6%, у II квартале — на 12%.
А за III квартал выручка сеткі ў афлайне знізілася на 27,5%, а ў анлайне — на 64%.
У кастрычніку польскі інвестар сеткі — кампанія CDRL — паведаміў пра «страту кантролю» над даччынай кампаніяй у Беларусі і пагрозу яе банкруцтва. У CDRL таксама заявілі аб спісанні пратэрмінаванай дэбіторскай запазычанасці сеткі ў памеры 1,7 млн злотых (больш за $400 тыс.) і прыпыненні далейшых паставак тавараў у Беларусь.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары