Пуцін пракаментаваў магчымыя перамовы з Украінай і заявіў, што Расія не збіраецца адмаўляцца ад заваёў
Прэзідэнт Расіі Уладзімір Пуцін пракаментаваў магчымыя перамовы з Украінай, заявіў, што Расія не адмовіцца ад таго, што ўжо было заваяванае, і прыгразіў Украіне стратай суверэнітэту.
«Што тычыцца перамоўнага працэсу… гэта спроба заахвоціць нас адмовіцца ад тых заваёў, якія мы рэалізавалі за апошнія паўтара года. Але гэта немагчыма. Усе разумеюць, што гэта немагчыма», — заявіў Пуцін на сустрэчы з кіраўнікамі муніцыпалітэтаў.
Таксама расійскі прэзідэнт зноў абвінаваціў экс-прэмʼера Вялікабрытаніі Борыса Джонсана ў зрыве перамоваў вясной 2022 года.
«Публічна сказалі, у тым ліку кіраўнік гэтай самай перамоўнай групы [ад Украіны Давід Арахамія]. Сказаў: «Так, мы былі гатовыя, мы гэта страцілі, бо прыехаў тагачасны прэмʼер-міністр Вялікабрытаніі спадар Джонсан і ўгаварыў нас не рэалізоўваць гэтыя дамоўленасці». Ну прыдуркі, не? І прама сказаў: «Калі б мы пайшлі на гэта, усё даўно было б скончана, паўтара года таму». Гэта лішні раз падкрэслівае, што яны не самастойныя людзі», — сказаў Пуцін (сам Джонсан называў «поўнай лухтой і расійскай прапагандай», што ён сарваў мірныя перамовы — НН).
Таксама Пуцін заявіў, што ўкраінскі контрнаступ цалкам праваліўся.
«Калі так будзе далей працягвацца, украінскай дзяржаўнасці можа быць нанесены вельмі сурʼёзны ўдар», — дадаў ён.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары