Сілавікі затрымалі хлопца, які вярнуўся з Польшчы пасля сканчэння працоўнай візы
Сілавікі затрымалі беларуса, які вярнуўся дадому з Польшчы пасля таго, як у яго скончылася працоўная віза. Відэа з ім апублікаваў канал сілавікоў.
«Медыязона» знайшла старонкі затрыманага «УКантакце» і ў інстаграме, дзе ён падпісаны як Жэня Шум. Ён — саліст музычнага гурта «Минимум Дистанции».
На міліцэйскім відэа хлопец кажа, што ўдзельнічаў у пратэстах 2020 года. Пасля выбараў офіс, дзе працаваў хлопец, рэлакаваў яго ва Украіну. З пачаткам поўнамаштабнай вайны ён зʼехаў у Польшчу, дзе прабыў да заканчэння працоўнай візы, якую нібыта адмовіліся працягнуць.
Каментары