26 студзеня на сустрэчы з навуковымі і навукова-педагагічнымі работнікамі Лукашэнка загаварыў пра якасць адукацыі ў Акадэміі кіравання і выказаў ідэю, што яе трэба ўмацоўваць педагагічнымі кадрамі з ліку найвышэйшых чыноўнікаў.
Паводле Лукашэнкі, «кіраўнікоў павінны рыхтаваць усе», і нават ён сам не выключэнне.
«Так, я не буду бегаць там па аўдыторыях замест загадчыка кафедры, але дзесьці пры выпадку адзін раз, два разы на год і прэзідэнт там таксама будзе», — адзначыў Лукашэнка.
Пры гэтым ён параіў рэктару Акадэміі кіравання Вячаславу Даніловічу запрашаць таксама да выкладчыцкай працы прэм'ер-міністра, міністраў, кіраўніка ягонай адміністрацыі.
Праўда, выконваць гэтую параду давядзецца, відаць, ужо іншаму кіраўніку акадэміі, бо Вячаслаў Даніловіч выстаўлены кандыдатам у дэпутаты Палаты прадстаўнікоў па адной з мінскіх акруг і яўна будзе там «абраны».
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары