Усходнееўрапейскія краіны гатовыя самі ўтрымліваць у сябе амерыканскія войскі, абы толькі Трамп іх не выводзіў
Усходнееўрапейскія саюзнікі ЗША па НАТА плануюць прапанаваць Вашынгтону ўзяць на сябе большую частку выдаткаў на ўтрыманне амерыканскіх вайскоўцаў на сваёй тэрыторыі. Такім чынам яны спадзяюцца пераканаць адміністрацыю Дональда Трампа не скарачаць вайсковую прысутнасць ЗША ў рэгіёне.
Як паведамляе Bloomberg, краіны ўсходняга флангу НАТА хочуць прадэманстраваць, што гатовыя не толькі прымаць у сябе як мага больш амерыканскіх вайскоўцаў, але і істотна знізіць фінансавую нагрузку на ЗША. Падрабязнасці гэтай прапановы плануецца абмеркаваць 27 жніўня ў Бруселі на сустрэчы прадстаўнікоў альянсу з намеснікам міністра абароны ЗША па пытаннях палітыкі Элбрыджам Колбі.
Ініцыятыва звязаная з занепакоенасцю еўрапейскіх саюзнікаў магчымым скарачэннем амерыканскай вайсковай прысутнасці. На думку Bloomberg, краіны ўсходняга флангу імкнуцца захаваць пераканаўчае стрымліванне Расіі і лічаць прысутнасць амерыканскіх войскаў адным з ключавых элементаў бяспекі рэгіёну.
У Еўропе цяпер знаходзіцца ад 80 да 100 тысяч амерыканскіх вайскоўцаў — іх колькасць змяняецца ў залежнасці ад ратацый і правядзення вучэнняў. Больш за траціну амерыканскага кантынгенту размешчана ў Германіі. Ва ўсходнееўрапейскіх краінах колькасць значна меншая: ад некалькіх сотняў вайскоўцаў у краінах Балтыі да некалькіх тысяч у Польшчы.
Раней улады ЗША абвясцілі пра намер перагледзець сваю вайсковую прысутнасць у Еўропе. Чакаецца, што да снежня Вашынгтон можа скараціць колькасць вайскоўцаў і ўзбраенняў у рэгіёне.
На гэтым фоне адміністрацыя Трампа таксама накіравала краінам НАТА апытальнік, каб ацаніць, наколькі яны падтрымліваюць знешнепалітычны курс прэзідэнта ЗША.
У Белым доме не падтрымалі планы Пентагона радыкальна скараціць колькасць войскаў ЗША у Еўропе
Да ўзроўню 2021 года: Пентагон абвясціў пра скарачэнне брыгад у Еўропе да трох
Прэзідэнт Фінляндыі: ЗША не могуць сабе дазволіць выйсці з НАТА, што б ні гаварыў Трамп
ЗША скароцяць колькасць сваіх войскаў у Германіі на 5000 чалавек на фоне крыўды Трампа на Мерца
Каментары