З каралеўскай люстрай у санвузле. У Мінску ў звычайным ЖК прадаецца кватэра-палац
У базе Realt знайшлі трохпакаёўку з каралеўскім рамонтам. Паглядзіце на калоны ў пакоях, мэблю і люстры.
Знаходзіцца кватэра ў ЖК «Каскад» каля станцыі метро «Маладзёжная». Звычайна тамака сустракаюцца значна больш лаканічныя інтэрʼеры. Кватэра — на другім паверсе 26-павярховага дома 2014 пабудовы.
Агульная плошча кватэры — крыху больш за сто квадратаў, жылая — 56. Кухня займае 14 квадратных метраў.
У гасцінай стаіць вялікі стол з крэсламі, канапа, ёсць тэлевізар. У гэтым пакоі — калоны.
Рамонт у дзвюх спальнях выкананы ў тым жа стылі. У кожным з пакояў стаіць двухспальны ложак і вялікая шафа, у адной са спальняў ёсць туалетны столік.
Санвузлоў у кватэры два. У адным усталявана ванна і душавая кабіна. А яшчэ там вісіць каралеўская люстра. У другім, больш мінімалістычным, — унітаз, там жа ёсць пральная машына.
Цана кватэры — 225 тысяч даляраў (2217 даляраў за квадрат).
Чытайце таксама:
Вікторыя Азаранка здае дом у Драздах. Як вам інтэр'еры? ФОТЫ
У Беларусі ўвялі адзіны маёмасны плацеж
У цэнтры Мінска прапануецца вельмі дзіўная кватэра. Там адзін унітаз проста на кухні, другі — у шафе
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары