У Мінск у пачатку студзеня чатыры разы за чатыры дні прылятаў транспартны самалёт «Боінг-747» з кітайскага горада Урумчы. Пра гэта паведамляе маніторынгавая група «Беларускі Гаюн», назваўшы такую актыўнасць кітайскай грузавой авіякампаніі Air China Cargo нетыповай.
«Беларускі Гаюн», які сярод іншага займаецца адсочваннем перамяшчэння ў Беларусі вайсковай тэхнікі, мяркуе, што гэтымі рэйсамі з Урумчы яна магла дастаўляцца ў Беларусь з Кітая.
Рэйсы, паводле расследавальнікаў, прыбывалі ў Мінск чатыры дні запар — з 8 па 11 студзеня. Спачатку самалёт ляцеў у Кітай, а пасля вяртаўся назад. У Мінску ён праводзіў прыкладна па тры гадзіны, што дастаткова для правядзення разгрузкі.
У аэрапорце самалёт знаходзіўся не на стаянках транспартна-лагістычнага цэнтра, а на стаянцы, зарэзерваванай для абслугоўвання ўрадавых самалётаў.
«Груз, верагодна, не праходзіў мытную ачыстку і адразу пакінуў аэрапорт, бо вакол месца стаянкі вайсковаму грузу няма дзе размясціцца, каб не прыцягваць дадатковай увагі і не стаяць пад адкрытым небам», — пішуць расследавальнікі.
Пра якую менавіта вайсковую тэхніку можа ісці гаворка, пакуль невядома. У публікацыі адзначаецца, што на ўзбраенні беларускай арміі ёсць кітайскія бронеаўтамабілі CS/VN3 Dajiang («Дракон»), якіх у самалёт можа ўлезці 4-5, а таксама кітайскія камплектуючыя выкарыстоўваюцца для вытворчасці ракет РСЗА «Паланез».
«Адвакат сказаў: усе, хто здымалі, ужо сядзяць». Жанчына, якая зняла расійскую вайсковую тэхніку, пасля затрымання экстрана з'ехала з Беларусі
Кітайскі аўтапрам заваёўвае свет. Не без дапамогі Захаду
У Кітаі выпусцілі аналаг ChatGPT, які чысціць чат пры кожным няёмкім пытанні пра палітыку. Пратэставалі яго
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары