У Расію летась з'ездзіла рэкордная колькасць беларускіх турыстаў
У студзені-верасні 2023 года грамадзяне Беларусі здзейснілі 191 тыс. паездак у Расію, што на 89% больш, чым за аналагічны перыяд 2022 года. Пра гэта сказаў намеснік міністра эканамічнага развіцця Расіі Дзмітрый Вольвач, паведамляе прэс-служба ведамства.
«Турыстычны патэнцыял Расіі і Беларусі велізарны і ўнікальны, а дружалюбныя адносіны паміж нашымі народамі маюць моцныя гістарычныя і культурныя сувязі.
За тры кварталы 2023 года ўязны турпаток беларускіх грамадзян у Расею перасягнуў не толькі паказчык 2022 года, але і паказаў максімальнае значэнне за апошняе дзесяцігоддзе», — заявіў расійскі чыноўнік.
Акрамя таго, паводле звестак МУС Расіі, у 2022 годзе ў суседняй краіне працавала 430 тысяч беларусаў. У спісе расійскіх гастарбайтараў па краінах прыбыцця грамадзяне Беларусі займалі 4-е месца.
У той жа час МУС Беларусі паведамляла, што за першае паўгоддзе 2023 года па афіцыйных каналах у Расіі працаўладкавалася толькі 2 460 беларусаў. У 2022 годзе такіх налічвалася 2 739 чалавек.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары