«Надышоў час дэмакратыям паказаць свае зубы». Святлана Ціханоўская выступіла ў Мюнхене на Круглым стале па Беларусі
Святлана Ціханоўская выступіла на Круглым стале па Беларусі, які быў арганізаваны ISANS падчас Мюнхенскай канферэнцыі па бяспецы, паведаміла яе прэс-служба.
«Сёння мы ўсе былі шакаваныя навіной аб смерці Навальнага… У нас няма сумневаў у тым, хто нясе адказнасць за смерць Навальнага. Яго забіў пуцінскі рэжым. Гэта напамін усяму свету аб тым, што дыктатары не спыняюцца ні перад чым.
Дыктатары не спыняцца, пакуль іх не спынім мы, — так Ціханоўская пачала сваю прамову. — Нам страшна за жыцці тысячаў нашых беларускіх палітвязняў. Многія з іх утрымліваюцца пад вартай без сувязі са знешнім светам, і мы не ведаем, ці жывыя яны. Сярод іх мой муж Сяргей, лаўрэат Нобелеўскай прэміі міру Алесь Бяляцкі, Маша Калеснікава і многія іншыя».
«Надышоў момант, калі дэмакратычны свет павінен прадэманстраваць не толькі адзінства, але і адвагу. Адказ на зверствы, якія здзяйсняюцца рэжымам Лукашэнкі і Пуціна, павінен быць рашучым.
Гэты адказ павінен уключаць магутныя санкцыі супраць гэтых рэжымаў, а таксама дапамогу ўсім тым, хто бясстрашна змагаецца з імі. Надышоў час дэмакратыям паказаць свае зубы», — заявіла дэмакратычная лідарка.
«Падтрымка дэмакратычных зменаў у Беларусі — гэта не дабрачыннасць, а інвестыцыі ў бяспеку і мір у Еўропе», — чарговы раз нагадала яна.
Чытайце таксама:
Ціханоўская: Няма сумневаў у тым, што Навальнага мэтанакіравана забіў пуцінскі рэжым
Што казаў Навальны пра пратэсты, беларускую мову, Ціханоўскую і Лукашэнку
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары