За год амаль на 12% павялічылася колькасць ДТЗ з удзелам дзікіх жывёл
У Беларусі за 2023 год на 11,7% павялічылася колькасць аварый з удзелам паляўнічых жывёл. Пра гэта напісала БелТА са спасылкай на Сцяпана Гузнея, намесніка начальніка аддзела кантролю за аховай і выкарыстаннем аб'ектаў жывёльнага свету Дзяржінспекцыі.
За 2023 год зарэгістравана 3374 ДТЗ з удзелам розных жывёл, на якіх дазволена паляванне. Гэта на 353 больш, чым у 2022 годзе. У гэтых аварыях загінулі або былі траўмаваныя 3439 жывёл.
Часцей за ўсё пры сутыкненні з аўтамабілямі гінулі:
- казулі — 2264 асобіны;
- ласі — 915;
- дзікі — 150;
- алені высакародныя — 96;
- алені плямістыя — 2;
- лані — 8;
- бабры — 4.
Як адзначыў Гузней, факты ДТЗ з удзелам такіх жывёл, як алень плямісты, лань, бабёр і выдра, носяць адзінкавы характар. А вось колькасць ДТЗ з удзелам лані ўжо сведчыць пра наяўнасць пэўнай праблемы і патрабуе прыняцця адпаведных мер. Гэта звязана з характарам месцаў яе пражывання і правядзеннем мерапрыемстваў па засяленні і рассяленні гэтай жывёліны.
Часцей за ўсё ДТЗ з удзелам жывёл летась здараліся ў пятніцу, панядзелак і чацвер. Гэта незвычайна, бо ш 2021 і 2022 гадах найбольшая колькасць такіх выпадкаў прыпадала на пятніцу, суботу і нядзелю.
Колькасць фактаў ДТЗ і загінулых пры гэтым паляўнічых жывёл:
- Мінская вобласць — 956 фактаў ДТЗ (28,3% ад іх агульнай колькасці) і 984 загінулых жывёл (28,6%);
- Брэсцкая вобласць — 380 выпадкаў ДТЗ (11,3%) і 390 загінулых (11,3%);
- Гродзенская вобласць — 580 фактаў ДТЗ (17,2%) і 585 загінулых (17%);
- Віцебская вобласць — 524 выпадкі (15,5%) і 538 загінулых (15,7%);
- Магілёўская вобласць — 487 фактаў (14,4%) і 494 загінулых (14,4%);
- Гомельская вобласць — 447 выпадкаў (13,3%) і 448 загінулых (13%).
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары