У Германіі памёр і другі ўкраінскі баскетбаліст, паранены нямецкім школьнікам
У нямецкай бальніцы памёр 18-гадовы Арцём Казачэнка, другі ўкраінскі баскетбаліст, які пацярпеў падчас нападу нямецкіх школьнікаў. Пра гэта паведаміў баскетбольны клуб, за які хлопец выступаў са сваім таварышам Уладзімірам Ермаковым, які ад атрыманага падчас нападу ранення памёр у той жа дзень.
З 10 лютага, трапіўшы ў бальніцу пасля нападу, Арцём Казачэнка быў у рэанімацыі. У апошнія некалькі дзён ягоны стан рэзка пагоршыўся, і выратаваць яго не ўдалося.
Па даных Bild, каля 20:00 украінцы вярталіся дадому, а ў аўтобусе ў іх завязалася сварка са школьнікамі. Калі спартсмены выйшлі з аўтобуса ля чыгуначнага вакзала, падлеткі напалі на іх з нажамі.
Злачынства трапіла на камеры відэаназірання, неўзабаве паліцыя затрымала дваіх падазраваных.
Галоўны з іх — 15-гадовы школьнік нямецка-турэцкага паходжання з Гельзенкірхена. Ён ужо вядомы паліцыі як злачынец, які здзейсніў некалькі нападаў і рабаванняў.
Другі — 14-гадовы школьнік нямецка-грэцкага паходжання з горада Херне, таксама вядомы паліцыі. Першага арыштавалі, другі перададзены апекунам.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары