Чырвоны пакой і Буда. У Мінску прадаюць кватэру з футурыстычным дызайнам
Гэта двухузроўневая пяціпакаёўка на беразе Сляпянкі.
Агульная плошча кватэры з унікальным дызайнам, выстаўленай на продаж — 245 м², жылая амаль 180 м². Хол, гасцёўня і кухня знаходзяцца ў адным памяшканні плошчай 94 м². У цэнтры — чырвоная канапа.
На другі паверх (антрэсоль) вядзе лесвіца са шклянымі сходамі.
Звычайныя формы ў гэтай кватэры маюць толькі аконныя і некаторыя дзвярныя праёмы. Лесвічныя пярылы, балясіны і нават убудаваныя ў столь свяцільнікі выкананы ў футурыстычным стылі.
Кухня ў кватэры — белага колеру з велізарнымі панарамнымі вокнамі.
З вокнаў кватэры адкрываецца від на Нацыянальную бібліятэку.
Таксама маецца і чырвоны пакой. Побач з ім у сцяне можна заўважыць арку, якая нагадвае праход для мышы з мультфільмаў пра Тома і Джэры. Унутры чырвонага пакою намаляваны Буда.
У кватэры знаходзіцца тры санвузлы. Два з трох ванных пакояў выкананы ў менш футурыстычным стылі. У адным з іх месціцца вялікая джакузі і, што даволі рэдка для жылых памяшканняў, пісуар.
Ложак у спальным пакоі таксама далёкі па сваіх формах ад таго, што мы прызвычаіліся бачыць.
Мэблю нестандартных форм можна заўважыць і ў іншых пакоях. Праз тое, што кватэра знаходзіцца на апошнім паверсе і вышыня столі моцна розніцца з-за канструкцыі будынку, выхад на другі паверх (антрэсоль) маецца не толькі з хола, але і з працоўнага кабінета.
Сярод іншага на 245 «квадратах» знайшлося месца для прасторнай гардэробнай і спартыўнай залы.
Як пазначана ў апісанні да аб'екта, у памяшканні зроблены аўтарскі рамонт па дызайн-праекце з выкарыстаннем найлепшых па якасці імпартных матэрыялаў для будаўніцтва і аздаблення. Кватэра прадаецца разам з тэхнікай.
У кватэры зроблена дадатковая цеплавая і гукавая ізаляцыя. Усталяваны кандыцыянер і прытокава-выцяжная вентыляцыя.
Просяць за кватэру 600 тысяч даляраў, магчымы гандаль.
Чытайце таксама:
У Мінску адкрыюць школу з асіметрычнымі вокнамі
«Адпрацуйце 40 гадоў кіраўніком, і ў вас атрымаецца». Экс-сенатарка расказала, як можна зарабіць на дом за $1,5 мільёна
У Брэсце ўрачыста здалі два дамы для вайскоўцаў. Ключы ўручаў міністр Хрэнін
Цяпер чытаюць
Памілаваны 15 палітвязняў, у тым ліку дзве сямейныя пары2
Каментары
Цэны на нерухомасць у Італіі не адсочваю, але жыць у Італіі ў любым выпадку прыемней будзе, чым у Мінску)))