Яна будзе размешчана ў Новай Баравой. Другая ў раёне школа — на 1 125 дзяцей і падлеткаў — адкрыецца ў Цэнтральным парку.
У жылым раёне «Новая Баравая» пад Мінскам у ліпені 2024 года будзе здадзена школа з незвычайным дызайнам фасаду галоўнага корпуса, квадратныя вокны якога маюць розны памер і размешчаны асіметрычна, піша «Беларусь і свет».
Другая ў раёне школа — на 1 125 дзяцей і падлеткаў — адкрыецца ў Цэнтральным парку.
Праект знаходзіцца ў высокай стадыі гатоўнасці: сабраны каркас будынка і закрыты вонкавы контур, вядуцца ўнутраныя работы. Ужо набіраюцца педагогі.
Комплекс спраектаваны архітэктарамі «А-100 Дэвелопмент». Ён складаецца з трох карпусоў-прастакутнікаў, злёгку разгорнутых адзін да аднаго. Кожны корпус мае асобны ўваход, а аб'ядноўваюць іх зашклёныя пераходы-галерэі.
Цэнтральны корпус — грамадскі, другі — для малодшых класаў, трэці — для старэйшых. Цікава, што кабінеты адміністрацыі аснасцяць празрыстымі дзвярыма, каб ліквідаваць бар'ер паміж вучнем і настаўнікам.
У школе будуць дзве спартзалы з трыбунамі, бібліятэка, актавая зала, сталовая, гульнявая і арт-рэкрэацыйная зоны, амфітэатр для будучых музыкантаў, медыяцэнтр для юных блогераў, месца для выстаў. Паміж паверхамі пусцяць ліфты.
У «Новай Баравой» ужо ёсць школа, 5 дзіцячых садоў і спортцэнтр. І ўсюды — свая канцэпцыя. Так, дзіцячы сад «Жоўты жыраф» прысвечаны жывёлам, «Космас» — космасу, «Дынасад» — дыназаўрам. А ў холах і двары «Школы будучыні» знаходзяцца навуковыя экспанаты.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС27
Каментары