«Украінцы казалі ў 1990-я: будзе вайна з Масквой». Кабанчук расказаў, як беларусы праходзілі вышкал у лагеры Дзмітрыя Яраша на Галіччыне
Намеснік камандзіра Палка Каліноўскага Вадзім Кабанчук расказаў у новым выпуску «Тока» пра сваю дзейнасць і погляды ў 1990-я.
«Я зразумеў: каб змагацца з гэтай сістэмай, трэба будаваць сваю сістэму. Для гэтага патрэбная арганізацыя. І я пайшоў у тую, якая была для мяне блізкая ў той час. Мы ўвайшлі ў спартовую камісію «Маладога фронта». Там мы трэніраваліся ў зале… — усё, што звязана з летнікамі і спортам.
У нас быў нават выезд ва Украіну ў 1997-м. Мы правялі дзён 20 на Галічыне. Гэта потым моцна паўплывала на мой лёс. Я пазнаёміўся ў 1997-м годзе з Дзмітрыем Ярашам. Яго арганізацыя праводзіла тады гэты летнік.
Па маім запрашэнні Яраш некалькі разоў прыязджаў у Беларусь, гасцяваў у нас. У нас былі розныя планы і розныя супольныя дзеянні — пераважна ва Украіне.
Мы прыязджалі потым яшчэ да іх на вышкал, дасылалі хлопцаў — калі сталі дзейнічаць як арганізацыя «Край». Яны нам далі шмат што ў плане арганізацыі — як будаваць сістэму падрыхтоўкі моладзі, так і зарад патрыятызму.
І самае галоўнае — яны з таго часу рыхтаваліся да вайны з Масквой. Яны казалі: хлопцы, будзе вайна. Мы да гэтага рыхтуемся.
Ва ўкраінцаў мы перанялі тое, як яны праводзілі свае вулічныя акцыі. Як яны маглі трымаць групавы бой. «Бой» у сэнсе супрацьстаянне з паліцэйскімі, з Беркутам».
Як вадзіў за нос КДБ, расследаваў справу зніклых палітыкаў і арганізоўваў падполле. Новы ТОК з Вадзімам Кабанчуком
«Змяншэнне падтрымкі беларускіх добраахвотнікаў ва Украіне — гэта ў тым ліку і цана, якая плаціцца за палітычныя амбіцыі некаторых людзей»
«Прыйдзе дзень — і ад Лукашэнкі пабягуць». Кіраўнікі Палка Каліноўскага сустрэліся з беларусамі Вільні
Дэлегатка КР Карпушонак пасля маўчання апублікавала відэа31
Каментары
Самае смешнае, што калі ў 2022 годзе пачалася поўнамаштабная расійска-украінская вайна (якая цягнецца з 2014), многія фармальна беларускія каналы, якія да і пасля таго пра Пазняка пісалі толькі дрэннае, раптоўна згадалі пра яго папярэджанні з 90-х, бо некага было паказаць яе прыклад цвярозага разумення расейскай пагрозы яшчэ тады.