Затрымалі супрацоўніка Верхнядзвінскага райвыканкама. Вінавацяць ва ўдзеле ў праграме «Кадравы рэзерв»
Сілавікі затрымалі жыхара Верхнядзвінска Аляксея Кісялёва. Відэа з ім апублікаваў прапагандысцкі канал. Кісялёва вінавацяць ва ўдзеле ў праграме падрыхтоўкі «кадравага рэзерву новай Беларусі».
На камеру яго прымусілі сказаць, што ён быў вучнем праграмы «Кадравы рэзерв». Прапагандысты дадаюць, што ў мужчыны была «нармальная праца» ў мясцовым райвыканкаме.
14 лютага Следчы камітэт паведаміў, што распачаў крымінальную справу супраць удзельнікаў ініцыятывы «Кадравы резерв для новай Беларусі». Ім інкрымінавана ч. 3 арт. 361-1 КК (стварэнне або ўдзел у экстрэмісцкім фармаванні).
АНТ паказаў 14 чалавек, затрыманых па гэтай справе. Прадстаўнік Абʼяднанага пераходнага кабінета Беларусі Юрась Губарэвіч заявіў, што тыя, каго атрымалася ідэнтыфікаваць, не маюць і ніколі не мелі дачынення да «Кадравага рэзерву». Некаторыя з іх знаходзяцца на свабодзе ці ўвогуле раней пакінулі межы Беларусі.
Праграма «Кадравы рэзерв для новай Беларусі» была запушчана Абʼяднаным пераходным кабінетам у лістападзе 2022 года. Да навучання мог далучыцца любы беларус, які меў жаданне, вопыт і адукацыю для эфектыўнага выканання службовых абавязкаў у сферы дзяржаўнага адміністравання пасля змен у Беларусі.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары