Да беларуса, якога вінавацяць у тэрактах на БАМе, не пускаюць адваката
Да затрыманага за падрыў двух цягнікоў на БАМе беларуса Сяргея Ерамеева не пускаюць адваката. Ерамеева трымаюць у маскоўскім СІЗА «Лефортава». Пра гэта паведаміў сузаснавальнік «Байхэлп» Аляксей Лявончык.
Як піша Лявончык, адвакатку да Ерамеева не пускаюць які ўжо раз, спасылаючыся на неабходнасць дазволу следчага, што парушае расійскае заканадаўства. Імя следчага не даюць.
«Спрабуем атрымаць справу — адвакат атрымлівае адмову, бо трэба дамова аб абароне ад сваякоў (таксама лухта, бо адваката можа наняць любы чалавек). Ці трэба дазвол ад следчага, каб атрымаць справу ў судзе.
Суду. Патрэбны. Дазвол. Следчага. Каб. Паглядзець. Імя. Следчага. Нічо, нармальная беларуская гісторыя», — піша Лявончык.
На яго думку, адзіная прычына, якая таму можа быць — прымусіць чалавека ў ізаляцыі прызнаць сваю віну з фармальнай прысутнасцю прызначанага дзяржаўнага адваката.
«Мы будзем спрабаваць іншыя шляхі. Яны ёсць», — дадаў Лявончык.
Уначы з 29 на 30 лістапада на перагоне Ітыкіт-Акусікан Усходне-Сібірскай чыгункі, падчас руху па Паўночнамуйскім тунэлі (яго даўжыня 15 кіламетраў) загарэўся вагон грузавога цягніка, які перавозіў паліва (у тым ліку авіяцыйнае) і каляровыя металы.
Пазней у Паўночнамуйскім тунэлі на Байкала-Амурскай магістралі загарэўся яшчэ адзін састаў з грузам.
Была заведзена крымінальная справа за тэракт.
7 снежня ФСБ Расіі заявіла, што за падрыў цягнікоў на БАМе затрыманы беларус Сяргей Ерамееў. Ён працаваў на «Нафтане» і далучыўся да стачкі ў 2020-м.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары