Расійскія каналы пацвердзілі здарэнне ў тунэлі на Байкала-Амурскай магістралі, але далі сваё тлумачэнне
Прычынай пажару ў грузавым цягніку ў Паўночнамуйскім тунэлі стала замыканне кабельнай сеткі — пра такую папярэднюю версію піша «База».
Паводле расійскага тэлеграм-канала, блізкага да сілавікоў, грузавы састаў з 50 вагонаў пачаў заязджаць у тунэль непадалёк ад станцыі Акусікан у Бураціі, калі машыніст пачуў выбух («База» піша «хлопок»).
У адным з вагонаў пачаўся пажар. У выніку былі пашкоджаныя тры вагоны-цыстэрны — адзін з іх выгарэў цалкам. З аднаго з вагонаў пачало выцякаць паліва.
Пазней на адным з участкаў шляху было выяўлена выгаранне 200 метраў кабельнай лініі.
Машыніст і яго памочнік не пацярпелі.
У цяперашні момант у тунэлі працуюць аднаўленчыя і пажарныя цягнікі, затрымак у руху пасажырскіх цягнікоў няма, піша «База».
Раней украінскія каналы паведамілі пра гэта здарэнне і назвалі яго ўкраінскай дыверсіяй.
Байкала-Амурская магістраль — гэта адзіны сур'ёзны шлях зносін паміж Кітаем і РФ, якую Расія, верагодна, выкарыстоўвае ў тым ліку і для ваенных паставак. Паводле ўкраінскіх медыя, цяпер яна нібыта паралізаваная.
Цяпер чытаюць
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?1
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары