Nvidia прэзентавала «самы магутны ў свеце» чып для штучнага інтэлекту
Магутныя чыпы для графікі і праграмнае забеспячэнне Nvidia з'яўляюцца неад'емным кампанентам у распрацоўках мадэляў генератыўнага штучнага інтэлекту, які стварае новы кантэнт і ідэі.
Кампанія Nvidia прэзентавала новае пакаленне мікрачыпаў Blackwell, прызначаных у першую чаргу для распрацовак у сферы штучнага інтэлекту. Вытворца называе яго самым магутным чыпам у свеце, піша Бі-бі-сі.
«Нам патрэбныя больш магутныя графічныя працэсары. Таму я хачу прадставіць вам вельмі, вельмі магутны GPU», — сказаў генеральны дырэктар кампаніі Джэнсен Хуанг на канферэнцыі распрацоўшчыкаў у Каліфорніі, паказваючы новы чып.
У Nvidia адзначаюць, што платформа Blackwell, якая ўключае спадарожны софт, прызначана для звышхуткіх вылічэнняў, якія дапамогуць ажыццявіць прарывы ў апрацоўцы вялікіх аб'ёмаў дадзеных, інжынерным мадэляванні, аўтаматызацыі праектавання электронікі, распрацоўцы лекаў, квантавых вылічэннях і генератыўных ШІ.
Магутныя чыпы для графікі і праграмнае забеспячэнне Nvidia з'яўляюцца неад'емным кампанентам у распрацоўках мадэляў генератыўнага штучнага інтэлекту, які стварае новы кантэнт і ідэі.
Кампанія заявіла, што яе асноўныя кліенты, уключаючы Amazon, Google, Microsoft, Meta, Tesla і OpenAI, будуць выкарыстоўваць новы чып у сэрвісах хмарных вылічэнняў і для сваіх уласных распрацовак у сферы штучнага інтэлекту.
Nvidia, заснаваная ў Крамянёвай даліне ў 1993 годзе, першапачаткова была вядомая як вытворца мікрачыпаў для апрацоўкі графікі, перш за ўсё ў камп'ютарных гульнях, чым працягвае паспяхова займацца да гэтага часу.
Аднак Хуанг зрабіў стаўку на штучны інтэлект, інвеставаўшы ў дадатковыя функцыі для працэсараў Nvidia задоўга да таго, як гэтая тэхналогія стала шырока папулярнай.
За апошні год кошт акцый кампаніі ўзляцеў на 240%, а яе рынкавая капіталізацыя ў гэтым годзе перавысіла 2 трлн даляраў, што зрабіла яе трэцяй па кошце кампаніяй у ЗША пасля Microsoft і Apple.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары