Расійскі траўлер «Капітан Лабанаў» у Балтыйскім моры падбіла расійская ракета
У выніку трапляння ракеты ў рыбалоўны траўлер «Капітан Лабанаў» 19 сакавіка загінулі тры члены экіпажа, яшчэ чацвёра атрымалі раненні. Пра гэта тэлеканалу «Дождь» расказаў сваяк аднаго з членаў экіпажа. Пры гэтым крыніца паведаміла, што ракету, якая трапіла ў траўлер, нібыта выпусцілі падчас вучэнняў Балтыйскага флоту.
Перад інцыдэнтам члены экіпажа траўлера збіраліся легчы спаць, а ракета ўпала на рубку капітана.
Паводле афіцыйных паведамленняў мясцовых уладаў, на борце траўлера адбыўся пажар, а прычыны інцыдэнту пакуль невядомыя. Акрамя таго, улады паведамляюць толькі пра аднаго загінулага.
«Калі забіралі тых, хто выжыў, усе выдатна ведалі, што загінулі тры чалавекі. І ўсе выдатна ведалі, што ўдарыла ракета. Але яны вырашылі напісаць, што адбылося «ўзгаранне». Цікава, якое гэта ўзгаранне, калі капітанскай рубкі цалкам няма, яе проста знесла», — гаворыць крыніца «Дождя».
Тых членаў экіпажа, якія выжылі, адправілі ў шпіталь у горадзе Піянерск, адзін з пацярпелых знаходзіцца ў цяжкім стане. Па словах крыніцы, у шпіталі пацярпелых дапыталі супрацоўнікі ФСБ, якія папрасілі членаў экіпажа «не распаўсюджвацца» пра інцыдэнт.
Яшчэ адна ракета, са слоў крыніцы, упала ў рыбалоўныя сеткі побач з прамысловым суднам кампаніі МРТК, якое знаходзілася непадалёк ад траўлера «Капітан Лабанаў».
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары
Командир: - Мне...КАП-3 дали...наверное попали куда-то..