Свет66

«Бразільскі Трамп» хаваўся ў пасольстве Венгрыі, каб пазбегнуць арышту па справе дзяржперавароту

Журналісты выдання The New York Times даведаліся, што былы прэзідэнт Бразіліі Жаір Балсанару, якога падазраюць у спробе захопу ўлады ў краіне пасля пройгрышу на выбарах, два дні начаваў у пасольстве Венгрыі, каб схавацца ад паліцыі. Распачата расследаванне.

Жаір Балсанару і Віктар Орбан у 2022 годзе. Фота: Anna Szilagyi / AP

Як паведамляе агенцтва Assosiated Press, бразільская паліцыя пачала афіцыйнае расследаванне факту двухдзённай начоўкі былога прэзідэнта Бразіліі Жаіра Балсанару ў пасольстве Венгрыі.

Перад гэтым журналісты The New York Times высветлілі, што Балсанару хаваўся там ад магчымага арышту. Прыём і начлег палітыку забяспечыў асабіста пасол Венгрыі ў Бразіліі. 

Падзеі, пра якія ідзе гаворка, адбываліся яшчэ ў лютым на фоне рэйдаў паліцыі па дамах галоўных памагатых Балсанару, перадае Associated Press.

Агенцтва адзначае, што венгерскі прэм'ер-міністр Віктар Орбан з'яўляецца адным з даўніх і найбліжэйшых саюзнікаў Балсанару, які патэнцыйна мог забяспечыць яму прытулак у пасольстве, куды бразільская паліцыя не мела б права заходзіць. 

Нагадаем, што Вярхоўны суд Бразіліі нядаўна апублікаваў дакументы, якія тычацца справы былога прэзідэнта краіны Жаіра Балсанару аб спробе незаконнага ўтрымання ўлады пасля пройгрышу на прэзідэнцкіх выбарах у кастрычніку 2022 года.

Паводле судовых дакументаў, у апошнія дні свайго прэзідэнцкага тэрміну Балсанару раптоўна склікаў нараду з вышэйшым вайсковым камандаваннем краіны і прапанаваў ім план па адмене вынікаў выбараў шляхам юрыдычных маніпуляцый альбо ўвядзення надзвычайнага становішча. 

Генералітэт у адказ заявіў, што «вынікі выбараў немагчыма адмяніць вайсковым шляхам» і што за гэта прэзідэнт панясе адказнасць. У прыватнасці, галоўнакамандуючы бразільскай арміяй генерал Марка Антоніа Фрэйрэ Гомес (цяпер у адстаўцы) папярэдзіў Балсанару, «што арыштуе яго, калі той паспрабуе зладзіць дзяржпераварот».

Сам Балсанару ўсяляк адмаўляў сваё дачыненне да спробаў захапіць уладу ў Бразіліі, адзначыўшы, што «дзяржаўны пераварот — гэта калі на вуліцах танкі, зброя і змоўшчыкі. А ў Бразіліі нічога з гэтага не адбылося».

Палітыка часта параўноўваюць з былым прэзідэнтам ЗША Дональдам Трампам, бо паводзіны Балсанару і ягоных прыхільнікаў пасля пройгрышу на выбарах у Бразіліі ў 2022-м нагадвалі тое, што адбывалася ў ЗША пасля пройгрышу Трампа ў 2020-м.

Каментары6

  • Рыгор
    27.03.2024
    У НН два ворагі: Трамп і Пазьняк.
  • Так
    27.03.2024
    Рыгор, яшчэ Маск.
  • За Свабоду!
    27.03.2024
    Лагічна, ўсе трое дыктатары ў палітыцы і па натуры.

Цяпер чытаюць

Мінчукі скардзяцца на атручванне пасля наведвання вядомага рэстарана. Працу ўстановы прыпынілі4

Мінчукі скардзяцца на атручванне пасля наведвання вядомага рэстарана. Працу ўстановы прыпынілі

Усе навіны →
Усе навіны

Пад Мінскам адбыўся магутны выбух на газавым трубаправодзе11

Знялі з пасады намесніка гендырэктара ТАСС, які браў інтэрв'ю ў Лукашэнкі1

Памёр Вячка Станкевіч3

Школа эканомікі і бізнэсу ЕГУ: што яна сабой уяўляе і чым адрозніваецца ад БДЭУ6

Сярод загінулых у авіякатастрофе ў Амурскай вобласці быў прынамсі адзін беларус5

Міністр фінансаў расказаў, на што Беларусь просіць грошай у Расіі4

Адмін беларускай Вікіпедыі: Давайце спынім пісаць пра бяздарнасцяў толькі таму, што яны беларусы або эмігранты63

Былы аналітык «Мінскага дыялогу»: Дурасць завяла Расію ў стратэгічны тупік22

Літоўская разведка папярэдзіла беларусаў, што іх імкнецца завербаваць КДБ7

больш чытаных навін
больш лайканых навін

Мінчукі скардзяцца на атручванне пасля наведвання вядомага рэстарана. Працу ўстановы прыпынілі4

Мінчукі скардзяцца на атручванне пасля наведвання вядомага рэстарана. Працу ўстановы прыпынілі

Галоўнае
Усе навіны →

Заўвага:

 

 

 

 

Закрыць Паведаміць