Беларускі баскетбольны клуб толькі ў 35-м матчы здабыў першую перамогу
«Такая доўгачаканая… ПЕРАМОГА!», — не хаваюць эмоцый у тэлеграм-канале баскетбольнага клуба «Мінск», які сёння ў матчы расійскай Лігі ВТБ перамог казахстанскую «Астану» з лікам 60:58. Чакаць гэтай перамогі сапраўды давялося доўга.
Дагэтуль «Мінск» стабільна толькі прайграваў, і ягоная серыя атрыманых запар паражэнняў дасягнула 34 матчаў. Цяпер нарэшце яе ўдалося спыніць, хоць было гэта і нялёгка: апошнюю чвэрць матча супернікі выйгралі ў перавагай у 8 ачкоў. Але зробленага папярэдняга запасу ўсё ж хапіла, каб такі давесці сустрэчу да перамогі.
Цяпер колькасць пераможных матчаў для «Мінска» ў сёлетнім сезоне Лігі дасягнула запаветных 3%.
«Мінск» і «Астана» цяпер, дарэчы, адзіныя нерасійскія клубы, якія засталіся гуляць у расійскай Лізе ВТБ, якая задумвалася як міжнародная і ў якой раней сапраўды гулялі і нават перамагалі моцныя клубы з краін Усходняй і Цэнтральнай Еўропы.
Раней беларускі клуб, дарэчы, меў адметную беларускамоўную назву «Цмокі-Мінск», але ў 2022 годзе памяняў яе на банальны «Мінск».
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую2
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары