Свет77

«Расія ведала пра падрыхтоўку тэракта ў Маскве прынамсі за месяц да яго» — Кірыла Буданаў

Расія ведала пра падрыхтоўку тэракта ў гандлёвым цэнтры «Крокус Сіці Хол» пад Масквой як мінімум за месяц, але, нягледзячы на гэта, Крэмль вырашыў дапусціць расстрэл сваіх грамадзян, паведамляе РБК-Украіна са спасылкай на заяву начальніка Галоўнага ўпраўлення разведкі Міністэрства абароны Украіны Кірылы Буданава.

Кірыла Буданаў. Фота: AP Photo/Evgeniy Maloletka

«Як мінімум 15 лютага 2024 года Расія ведала пра падрыхтоўку. Я вам больш скажу, гэтая інфармацыя прайшла праз разведку групоўкі ў Сірыі. Адтуль яна пайшла на Маскву. Гэта дзіўным чынам усё матэрыялізавалася», — заявіў Буданаў.

Ён удакладніў, што расейцы ведалі, адкуль прыйдуць баявыя групы, праз якія краіны яны перамяшчаліся ў Расію. Па словах Буданава, ёсць некалькі версій, чаму Крэмль дапусціў тэракт.

«Першае — гэта, як у іх прынята, барацьба «вежаў», каб цяпер зняць некалькі чыноўнікаў. Іншы варыянт — яны насамрэч недаацанілі маштабы таго, што адбудзецца. Думалі, што гэта будзе больш лакальна, і хацелі абвінаваціць ва ўсім Украіну», — лічыць начальнік украіснкага ГУР.

Ён нагадаў, што расійскія ўлады ўжо тройчы паспелі памяняць версію таго, што здарылася пад Масквой, спрабуючы любой цаной абвінаваціць ва ўсім Украіну. У прыватнасці, з'явілася версія кіраўніка ФСБ Расіі Аляксандра Бортнікава, які абвінаваціў самога Буданава.

«Гэта глупства. Дарэчы, калі мы закранулі гэтае балючае пытанне, хоць гэта і вораг, але я не ўхваляю ў прынцыпе тэрарыстычныя акты супраць цывільных людзей», — дадаў ён.

Як падкрэсліў Буданаў, Расія ўласнаручна пасеяла хаос, спадзеючыся, што яна зможа яго кантраляваць.

«Ёсць такі ўстойлівы выраз, нават ісціна. Яна сярод спецыяльных службаў заўсёды працуе: усе спрабуюць стварыць кантраляваны хаос. Усе больш-менш сур'ёзныя арганізацыі спрабавалі ў розны час гэта рабіць. І аксіёма ў тым, што ніводная з іх не змагла яго зрабіць кантраляваным. Тое ж адбылося і тут», — адзначыў галоўны ўкраінскі разведчык.

Чытайце таксама:

«Я будаўнік і не маю дачыненне да ФСБ». Мужчына ў сінім з «Крокуса» расказаў пра сябе

95 чалавек лічацца зніклымі без вестак пасля тэракту ў «Крокус Сіці Холе»

Шматдзетны бацька, беспрацоўны, прыхільнік тэлеграм-прапаведнікаў і няспраўджаны барбер. Што вядома пра абвінавачаных у страляніне ў «Крокусе»

Каментары7

  • Спадар
    28.03.2024
    "бабы ешчо нарожают"..
  • Ахаха
    28.03.2024
    Джордж, у агента чк з пазыўным “джордж” стала падгараць, што яго калегі за грошы прадаюцца і прадаюць любую інфармацыю нават сваім ворагам у сбу.
  • Хрыч
    28.03.2024
    Ну Украина тоже знала о нападении,если чо

Цяпер чытаюць

На толькі што адкрытай польскай мяжы ўжо ўтварылася чарга з трох тысяч аўтамабіляў1

На толькі што адкрытай польскай мяжы ўжо ўтварылася чарга з трох тысяч аўтамабіляў

Усе навіны →
Усе навіны

У Маладзечне мужчына незвычайна падзякаваў жонцы за нараджэнне дачкі2

ААНаўская прамова Трампа: пра эскалатар, які спыніўся проста на хаду, супраць міграцыі і зялёнай энергетыкі26

Андрэй Стрыжак застанецца ў «Байсоле», але не кіраўніком23

Міліцыя знайшла вандалаў, якія разнеслі бетонную агароджу могілак. Ім па дзевяць гадоў2

Жыхарку Полацка злавілі на хуткасці 190 км/г. Гэта яе 58‑е парушэнне

Беларусь атрымала афіцыйнае паведамленне ад польскага боку пра адкрыццё мяжы

Расійскі чыноўнік уцёк з-пад канвою ў судзе і схаваўся ў консульстве Арменіі. Гісторыя скончылася трагічна3

Ціханоўская сустракалася з Келагам у Нью-Ёрку7

Snoop Dogg згадзіўся правесці канцэрт у Расіі5

больш чытаных навін
больш лайканых навін

На толькі што адкрытай польскай мяжы ўжо ўтварылася чарга з трох тысяч аўтамабіляў1

На толькі што адкрытай польскай мяжы ўжо ўтварылася чарга з трох тысяч аўтамабіляў

Галоўнае
Усе навіны →

Заўвага:

 

 

 

 

Закрыць Паведаміць