У сераду пахаладае да +8°С, магчымы мокры снег. І гэта таксама не першакрасавіцкі жарт
Прагноз надвор'я па Беларусі на 2-4 красавіка.
У аўторак яшчэ будзе цёпла. Праўда, раніцай і днём на большай частцы тэрыторыі краіны чакаюцца кароткачасовыя дажджы, месцамі моцныя дажджы. У многіх раёнах прагрымяць навальніцы.
Ноччу +10..+15°С, максімальная днём +21..+26°С, па захадзе Беларусі яна складзе +14..+20°С. У Мінску да +24°С, магчымы дождж.
А вось з серады пахаладае. Умовы надвор'я будзе фарміраваць халодная тылавая частка цыклону, цэнтр якога будзе перамяшчацца з Латвіі на Ленінградскую вобласць. Магчымы мокры снег, ноччу месцамі па краіне чакаецца моцны дождж. Вецер заходняй чвэрці ўмераны, у многіх раёнах моцны парывісты.
Ноччу +3..+9°С, максімальная днём складзе ад +5°С па поўначы да +15°С па паўднёвым усходзе краіны. У Мінску максімальна +9°С.
4 красавіка, у чацвер, днём месцамі па краіне пройдуць невялікія кароткачасовыя ападкі (дождж, мокры снег). Уначы і раніцай на асобных участках дарог галалёдзіца.
Ноччу -3..+4°С, максімальная днём +3..+10°С, па паўднёвым захадзе краіны да +12°С. У Мінску, паводле pogoda.by, днём +4°С.
Аднак паводле папярэдніх разлікаў у канцы тыдня зноў пацяплее. У Мінску ў суботу чакаецца +15°С, у нядзелю +20°С.
Цяпер чытаюць
Сілавікі масава затрымліваюць удзельнікаў конкурсу гомельскага трэш-блогера13
Каментары
ну. вы зразумееце.
а ви думалі ;)