«Халасцяк без вышэйшай адукацыі». У Беларусі вызначылі партрэт тыповага педафіла
У Следчым камітэце Беларусі далі крыміналагічную характарыстыку педафіла. Прадстаўнік ведамства Юрый Вараўка расказаў пра некаторыя агульныя характарыстыкі, часта ўласцівыя для такой катэгорыі злачынцаў, піша БелТА.
«94% асоб, якія здзяйсняюць палавыя злачынствы ў дачыненні да дзяцей, не маюць вышэйшай адукацыі. Гэта значыць, у іх базавая, сярэдняя або сярэдняя спецыяльная адукацыя.
Акрамя таго, асобамі, якія знаходзяцца ў шлюбе, здзяйсняецца каля 40% такіх злачынстваў», — адзначыў прадстаўнік Следчага камітэта. Юрый Вараўка дадаў, што астатнія 60% — гэта альбо халастыя, альбо разведзеныя.
Вылучыў ён і асноўныя прычыны такіх злачынстваў: алкагалізм, разбэшчанасць, сэксуальная нездаволенасць, адзначыўшы пры гэтым, што педафілія з'яўляецца псіхічным захворваннем.
«Хоць мы гаворым пра педафілію, мы павінны змагацца менавіта з прычынамі. Асноўная маса тых, хто здзяйсняе палавыя злачынствы ў дачыненні да дзяцей, — людзі, якія проста не бачаць межаў або не могуць сябе кантраляваць», — заявіў Юрый Вараўка.
Чытайце таксама:
«Таемны кліент» сачыў за гасцямі «вострава педафілаў» Эпштэйна па сігнале іх тэлефонаў
Генпракуратура ўзялася за «нармалізацыю» нетрадыцыйных адносін
У Магілёве раскрылі рэзананснае забойства 11-гадовай дзяўчынкі, што адбылося 25 гадоў таму
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары