У Бярозаўскім раёне згарэў дом шматдзетнай сям'і. Чацвёра дзяцей загінулі
Малодшаму было 2 месяцы, старэйшаму — 6 гадоў. Распачатая крымінальная справа.
Трагедыя адбылася ў вёсцы Ястрабель Бярозаўскага раёна. Пра гэта паведаміў тэлеграм-канал камісіі па справах непаўналетніх Гомельскага гарвыканкама «Тэрыторыя супрацоўніцтва».
Каля 14.20 14 красавіка ў МНС паступіла паведамленне пра пажар у жылым доме.
Ратавальнікі, якія прыбылі на месца, выявілі чатырох загінулых непаўналетніх ва ўзросце ад 2 месяцаў да 6 гадоў. Усяго ў сям'і выхоўвалася пяцёра дзяцей.
З агню выратаваліся 37-гадовая маці загінулых дзяцей і яе 4-гадовая дачка, якая сама змагла выйсці з палаючага дома. Пацярпелыя трапілі ў бальніцы. Прычыны пажару высвятляюцца.
Следчы камітэт распачаў крымінальную справу паводле ч. 3 арт. 304 КК (Парушэнне патрабаванняў пажарнай бяспекі, што пацягнула па неасцярожнасці смерць чалавека).
Цяпер чытаюць
Як склаўся лёс палкоўніка Лосева, які пакрываў банду марозаўцаў і атрымаў 18 гадоў калоніі3
Каментары