У Віцебску ў кватэрах і на аб'ектах сацыяльнага прызначэння ўключаць ацяпленне. Гэта звязана з падзеннем сярэднясутачнай тэмпературы знешняга паветра ніжэй за + 8℃, паведамляе абласная газета «Витебские вести».
У Віцебску пачалі адключаць ацяпленне ў пачатку красавіка. У цэлым у Беларусі на прадпрыемствах і ў арганізацыях яго перасталі падаваць 2-3 красавіка. А першым абласным горадам, дзе гэта зрабілі ў кватэрах, стаў Гродна. Гэта адбылося з 8 красавіка.
У Беларусі рашэнне аб завяршэнні ацяпляльнага сезона прымае мясцовая ўлада. У бальніцах, садках і школах гэта, як правіла, робяць пры сярэднясутачнай тэмпературы вонкавага паветра +10℃ на працягу трох сутак. Для кватэр тэмпература знешняга паветра не павінна перавышаць + 8℃.
На гэтым тыдні ў Беларусь прыйшло пахаладанне. Сіноптыкі прагназуюць дажджы і нават мокры снег.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары