Некаторых ветэранаў тылу ў Беларусі прызнаюць удзельнікамі Вялікай Айчыннай вайны
Ільготы для некаторых ветэранаў Вялікай Айчыннай вайны, а таксама для воінаў-інтэрнацыяналістаў будуць пашыраны ў Беларусі, але адначасова з гэтым будзе больш складана стаць ветэранам працы.
Дэпутаты Палаты прадстаўнікоў Беларусі прынялі ў першым чытанні змены ў законы па пытаннях ветэранаў, перадае Sputnik.
Як тлумачыла раней начальнік галоўнага ўпраўлення сацыяльнага абслугоўвання і сацыяльнай дапамогі Мінпрацы і сацабароны Кацярына Каляда,
да ўдзельнікаў Вялікай Айчыннай вайны вырашана аднесці ваеннаслужачых, якія былі ўзнагароджаны ордэнамі або медалямі СССР за бездакорную воінскую службу ў тыле.
У тым ліку, паводле яе слоў, гэта робіцца для гарманізацыі заканадаўства з Расіяй і ў адказ на звароты грамадзян. Пераход у новы статус азначае, напрыклад, што дадзеным ветэранам падвысяць памер матэрыяльнай дапамогі, якая штогод выплачваецца да Дня Перамогі.
Як адзначыла старшыня Пастаяннай камісіі Палаты прадстаўнікоў па працы і сацыяльных пытаннях Ірына Касцевіч, размаўляючы з журналістамі, асноўнае ў папраўках — гэта ўзмацненне сацыяльных ільгот, ільгот і гарантый для асобных катэгорый насельніцтва.
«Гэта ветэраны Вялікай айчыннай вайны, гэта былыя вязні фашызму і воіны-інтэрнацыяналісты», — растлумачыла дэпутат.
Яна таксама растлумачыла, што сярэдні ўзрост воінаў-інтэрнацыяналістаў цяпер — 60 гадоў, і яны таксама маюць патрэбу ў пэўных ільготах па медыцыне.
«Таму аналагічна будзе давацца і закладваецца такая норма, як бясплатныя лекі, бясплатнае пратэзаванне зубоў і санаторна-курортнае лячэнне», — адзначыла парламентарый.
Паводле звестак Касцевіч, цяпер у Беларусі 22 тысячы воінаў-інтэрнацыяналістаў.
Стаць ветэранам працы ў Беларусі стане больш складана
Ёсць у законапраекце і іншая навіна. Цяперашняя норма абвяшчае, што ветэранам працы можа стаць мужчына са стажам не менш як 30 гадоў і жанчына са стажам ад 25 гадоў пры дасягненні агульнаўстаноўленага пенсійнага ўзросту.
У новай рэдакцыі стаж у мужчын павінен быць не менш за 45 гадоў, а ў жанчын 40. Гэтая норма запрацуе з 1 студзеня 2025 года.
На думку Касцевіч, статус ветэрана працы па новых нормах будзе атрымаць рэальна.
«Таму што мы з вамі ўваходзім у дарослае жыццё 18 гадоў. З улікам узросту пенсійнага жанчын 58, у мужчын 63, гэта якраз 40 і 45 гадоў (стаж для ветэрана працы), у якія ўключаецца і вучоба, і служба ў войску для хлопцаў і водпуск па догляду за дзіцем, і водпуск за сваімі састарэлымі бацькамі. Гэта сёння ўсё ўключаецца», — патлумачыла дэпутатка.
Паветраная гімнастка паказала закуліссе працы ў Белдзяржцырку7
Каментары