Больш за дзясятак лотаў выставіла на электронны аўкцыён кампанія «БЕЛІНВЕСТ-Інжынірынг», якая афіляваная з Белінвестбанкам, піша Sputnik.
Электронныя таргі павінны адбыцца 30 мая. У асноўным прадаюцца офісы Белінвестбанка, у тым ліку ў Брэсце, Мінску, Бабруйску і Оршы. У некаторых выпадках гэта асобныя будынкі, а ў іншых — памяшканні ў будынках. Таксама выстаўленыя на продаж крама ў Мінску і складское памяшканне ў Гомелі.
Гэта не першы выпадак за апошнія некалькі гадоў, калі прадаюцца офісы гэтага банка, які закрывае іх для аптымізацыі сеткі.
Пры гэтым цяпер Белінвестбанк больш не публікуе свае справаздачы, а падае іх толькі па пісьмовым запыце ад кампаній і фізічных асоб, якія з'яўляюцца кліентамі, контрагентамі, акцыянерамі банка, бенефіцыярнымі ўладальнікамі і гэтак далей. Таксама гэты банк перастаў раскрываць інфармацыю пра ўласнікаў і паведамляе толькі пра колькасць акцый ды суму статутнага фонду.
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася6
Каментары