Donald Tusk prakamientavaŭ skandał vakoł adjezdu sudździ ŭ Biełaruś.
Premjer-ministr Polščy Donald Tusk na pasiadžeńni ŭrada zajaviŭ, što adnosiny sudździ Šmita ź Biełaruśsiu majuć svaju doŭhuju historyju — «heta nie pytańnie apošnich miesiacaŭ».
«Niama sumnieńniaŭ, paśla taho, što ja atrymaŭ ad našych słužbaŭ, što my majem spravu nie ź niejkim razavym učynkam, a sa spravaj, jakaja maje svaje krynicy daŭno», — kazaŭ kiraŭnik polskaha ŭrada.
Jon dadaŭ, što nielha niedaaceńvać hetuju spravu.
— Heta nie pytańnie siensacyj u ŚMI, my prosta pavinny viedać, što biełaruskija słužby pracavali z čałaviekam, jaki mieŭ pramy dostup da ministra justycyi, jaki adkazvaŭ za razbureńnie sudziejskaj sistemy ŭ Polščy, jaki mieŭ dostup da sakretnych dakumientaŭ, da jakich nie pavinna mieć dostupu nivodnaja raźviedka. Adnosiny sudździ Šmita ź biełarusami majuć doŭhuju historyju, heta nie pytańnie apošnich miesiacaŭ, heta pavinna vyklikać u nas najbolšuju zaniepakojenaść, — skazaŭ jon.
Sudździa vajavodskaha administracyjnaha suda Varšavy Tomaš Šmit, jaki źbieh u Minsk, napiaredadni daŭ pres-kanfierencyju ŭ Minsku i zajaviŭ, što choča paprasić palityčny prytułak. Polskija ekśpierty miarkujuć, što Šmit moža być źviazany z rasijskimi śpiecsłužbami.
Sudździa Šmit byŭ vydatna zakanśpiravanym rasijskim ahientam — polskija ekśpierty
Kolki zarablaŭ i jakoj majomaściu vałodaje sudździa, jaki źbieh z Polščy ŭ Biełaruś
Śpiecsłužby Polščy pačali praviarać, kolki sakretnaj infarmacyi moh vyvieźci sudździa Šmit
«Absalutna šakujučy vypadak». Kiraŭnik MZS Polščy prakamientavaŭ namier polskaha sudździ prasić palityčny prytułak u Biełarusi
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»28
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3030
Kamientary