Пенсіянер з Дуброўна папрасіў у падлеткаў закурыць. Тыя падзяліліся цыгарэтай, але пасля збілі яго.
Цяпер 14-гадовым хлопцам пагражае сур'ёзны тэрмін.
Пажылы жыхар Дуброўна папрасіў у падлеткаў на вуліцы цыгарэту, гэта каштавала мужчыну здароўя.
64-гадовы гараджанін нападпітку ўвечары вяртаўся дадому. Па дарозе ён заўважыў кампанію юнакоў і стрэльнуў у іх закурыць. Хлопцы падзяліліся з пенсіянерам цыгарэтай, але потым два 14-гадовыя прыяцелі пайшлі за ім, сталі пацяшацца і здзекавацца з яго.
Зрэшты, словамі ўсё не абмежавалася: хлопцы адвялі мужчыну ў бок, павалілі на зямлю і збілі нагамі.
На наступны дзень суседка ўбачыла, што пенсіянер збіты, і выклікала хуткую. Медыкі паведамілі пра здарэнне ў міліцыю.
Аператыўнікі затрымалі падлеткаў. На іх завялі крымінальную справу за злоснае хуліганства. Максімальнае пакаранне за такі ўчынак — шэсць гадоў.
Цяпер чытаюць
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары