Міністарка ўнутраных спраў Літвы Агне Білатайце заявіла, што літоўскія памежнікі да канца 2024 года атрымаюць для выканання сваіх задач цяжкое ўзбраенне. Яна сказала пра гэта падчас наведвання разам з прэм'ер-міністаркай Інгрыдай Шыманіце аэрадрома Палуксніс у Троцкім раёне, піша BNS.
«Міністэрства нацыянальнай абароны таксама будзе спрыяць забеспячэнню памежнікаў цяжкім узбраеннем. Я не хацела б заглыбляцца ў дэталі, таму што ўсё гэта яшчэ на стадыі абмеркавання», — сказала міністарка.
Паводле яе, такое рашэнне з'явілася ў адказ на ўрокі расійскай агрэсіі ва Украіну.
У сваю чаргу, кіраўнік Памежнай службы Літвы Рустам Любаеў паведаміў, што цяжкое ўзбраенне будзе ўключаць як мабільную, так і стацыянарную тэхніку, і набудуць яго да канца 2024 года.
«Прынамсі, на першым этапе ўзбраенне, якое плануецца набыць, не патрабуе адмысловай падрыхтоўкі. […] Яго можна будзе выкарыстоўваць супраць вайскоўцаў і супраць пэўнай тэхнікі», — заявіў Любаеў.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары