Прапануем рэцэпт эмпанадас, натхнёны традыцыйнымі аргенцінскімі смакамі: з ялавічынай, аліўкамі, яйкамі і мноствам спецый, такіх, як вэнджаная папрыка, кмен і шматкі чылі, а таксама з тонкай салодкасцю дзякуючы разынкам. Эмпанадас часта падаюць на вечарынках як закуску, але гэтыя піражкі такія ж добрыя на пікніках ці нават спакаваныя ў якасці дарожнага сняданку.
Фота: Pexels
Каб прыгатаваць эмпанадас з ялавічынай, спатрэбіцца:
- 400 г абабранай бульбы, нарэзанай кавалачкамі таўшчынёй 5 мм (бярыце гатункі з высокім утрыманнем крухмалу)
- 1 ст. л. алею, найлепш аліўкавага
- 1 цыбуліна, дробна нарэзаная
- 4 зубкі часнаку, здробненыя
- 500 г ялавічнага фаршу
- 1 1/2 ч. л. вэнджанай папрыкі
- 1 1/2 ч. л. молатага кмену
- 1/2 ч. л. шматкоў чылі
- 1 шклянка ялавічнага булёну
- 1 ст. л. таматнай пасты
- 1/3 шклянкі разынак
- 2 звараныя ўкрутую яйкі, нарэзаныя буйнымі кавалкамі
- 1/2 шклянкі зялёных алівак без костачак, нарэзаных
- 8 лістоў замарожанага пясочнага цеста
- соус чылі для падачы
Як гатаваць:
- Адварыце бульбу ў каструльцы з падсоленай вадой на працягу 3 хвілін або пакуль яна не стане мяккай. Зліце.
- Разагрэйце алей у вялікай патэльні на сярэднім агні. Абсмажвайце цыбулю і часнак, памешваючы, 5 хвілін або пакуль цыбуля не стане мяккай. Павялічце агонь да максімуму. Дадайце фарш і гатуйце, памешваючы, каб не ўтварыліся камячкі, на працягу 3 хвілін або пакуль ён не падпячэцца. Дадайце папрыку, кмен і перац чылі. Гатуйце да з'яўлення водару. Дадайце булён, таматную пасту, бульбу і разынкі. Тушыце 8 хвілін або пакуль соус не загусцее. Дадайце яйкі і аліўкі і прыпраўце па смаку. Астудзіце.
- Разагрэйце духоўку да 200°C. Засцяліце дзве вялікія бляхі паперай для выпечкі.
- Выражыце з цеста трыццаць два колы дыяметрам 11,5 см. Выкладзіце ў цэнтр кожнага кола па дзве сталовыя лыжкі мясной сумесі. Складзіце напалову, каб начынне было ўнутры, і зашчапіце краі, каб яны шчыльна прылягалі адзін да аднаго. Выкладзіце піражкі швом уверх на падрыхтаваныя бляхі. Запякайце 30 хвілін або да залацістага колеру. Падавайце з соусам чылі або любым іншым, які вам смакуе.
Цяпер чытаюць
Лукашэнка: Раман Пратасевіч — даўні супрацоўнік беларускай разведкі47
Каментары
я вообще-то за П
що !?
как💩-ой <--это🍮пирожка
какое мамідорамі ?
будете с мамой за ручку ходить к фефектологу. понили?