Сюды канцлер Нямеччыны ўключыў і цяжкапараненых.
На вайне ва Украіне штомесяц гінуць або атрымліваюць цяжкія раненні да 24 тысяч жаўнераў РФ, заявіў Олаф Шольц. Гэта, як і гібель мірных жыхароў, — вынік «імперыялістычнай маніі велічы» Пуціна, цытуе словы канцлер ФРГ Deutsche Welle.
«Ёсць лічбы, якія кажуць пра 24 тысячы загінулых або цяжкапараненых (на вайне з Украінай) расійскіх салдат у месяц», — заявіў канцлер ФРГ Олаф Шольц.
Шольц падкрэсліў, што гэтыя страты расейскага войска, гэтак жа як і гібель многіх украінскіх жаўнераў і мірных жыхароў, — вынік «імперыялістычнай маніі велічы» Уладзіміра Пуціна. Прэзідэнт РФ лічыць Украіну і Беларусь часткамі Расіі, і таму парушыў прынцып непарушнасці межаў, які дзесяцігоддзямі дзейнічаў у Еўропе, адзначыў нямецкі канцлер.
УСУ сцвярджае, што з лютага 2022 года загінулі ўжо больш за 500 тысяч расійскіх вайскоўцаў.,
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго5
Каментары